نصائح عن المطبخ

اهلا بيكم في موقعنا وصفات اكل عربيه نصائح عن المطبخ

لو لسه مبتدأه من المطبخ او أوقات بتنسي حاجات مهمه احنا انهارده جمعنا لك مجموعه نصائح لا غني عنها في أي مطبخ.

طرق جديده ومبتكره هتنجز معاكي الوقت أفكار ونصائح لكي عزيزتي هتساعدك كتير وتوفر عليكي الوقت

اقرا أيضا: نصائح تنظيم الثلاجة في 2024 

معلومات مهمة ومفيدة في المطبخ

• لو الحلة سخنت على النار ما تحطيش السمنة او الزيت على طول هيتحرقوا حطي البصل الى هتستعمليه هياخد الحرارة وبعدين حطي المادة الدهنية.

• أي حاجه على النار عاوزين تزودوها ميه لازم الميه تكون سخنه جدا.
• قبل ما تحطوا الكاكاو للكيك انخليه عشان مايعملش تكتلات.
• لو بتعملى الكيك بالسمنة اضربى السمنة مع السكر وبعدين ضيفي بيضه بيضه.
• لو بتعملى الكيك بالزيت اضربى السكر مع البيض الأول وبعدين ضيفي الزيت.
• وانتى بتطبخى او بتعملى رز استخدمى سمنه على زيت.
• الخولنجان بيطري انسجة اللحوم بكل أنواعها استخدميه في التتبيله بيسرع السوا جدا ويساعد على امتصاص التتبيله.
• ( ملحوظة الخلونجان نوع من أنواع النباتات مشابه نبات الجنزبيل ).

• كتير من المطاعم بتتبل المشويات بخليط من الخولنجان وورق الزهر والزعتر والروز مارى.
• محلول النقع بنحط لمون ماينفعش خل.
• استبدلوا الخل بالليمون في غسيل الفراخ لان الخل بيثبت الزفاره ما بيضيعها شوفى تنظيف الممبار كمان بلاش خل حطوا ملح وليمون وقشر الليمون.
• الخل ممكن نضيفه للكبدة للبطاطس معلقه منه على الكيك وفى الشاورما.
• يستعمل كمان في التنظيف وفى القضاء على النمل وبحط شويه على البريل.
• اعملى ازازه بخاخ حطي فيها بريل على شوية خل وكملي شوية
• ميه هيوفر جدا في البريل او النوع الى بتستعمليه.
• قبل ماتحطى اللبن فى الحلة على النار حطي معلقتين ميه لا يمكن يلزق ابدا.
• اللحمة الضانى لو هتشويها التتبيل قبل الشوى على طول.
• لو هتسلقيها ضيفي نص معلقة خل بتساعد على سواها بسرعه
• وكمان بتضيع الطعم شويه والريحه للناس الى مش بتحب ريحتها.
• لو خزنتى الكرنب ورق بعد ما تحشيه اسقيه بشوربة ساقعه عشان مايجلدش.
• ورق اللورا يساعد على تفتيح لون انسجة الفراخ وانتى بتسلقيها.

تابعي حسابنا علي يوتيوب وصفات اكل عربيه