وصفات أكل عربيه اكلات سريعة وشهيه لكي ولأسرتك
اهلا بيكم في موقعنا وصفات اكل عربيه وصفتنا النهارده كيكه قدره قادر كيكه سهله ولذيذة، هتعمليها بالكريم كراميل وهقولك كمان أزاي تعمليه
قدميها في العزائم وهتبهري بيها الكل، تعالي معايا اقولك الخطوات
المكونات:
- للكريم كراميل
- 5 بيضات
- فانيليا
- 2 كوب لبن
- علبه زبادي
- نص كوب سكر ناعم
الكيك
3 بيضات
فانيليا
كوب سكر ناعم
نص كوب لبن
نص كوب زيت
كوب ونص دقيق
كيس بكينج بودر
3 معالق كاكاو خام
الطريقة:
-لعمل الكريم كراميل طاسه صغيره ونحط فيها السكر ومعلقتين مياه ونقلب على النار لغايه ما يتكرمل ويبقي دهبي.
-احضري الصينية اللي هنعمل فيها الكيك ونصب فيها الكراميل بعد رفعه من النار ونضعه في الثلاجة.
-احضري طبق صغير ونكسر فيه خمس بيضات والفانيليا ونضربه بالمضرب ثم نضع السكر ثم الزبادي واللبن ونضرب كويس.
-ضعي الخليط على الكراميل الي ان نحضر الكيك.
-نفس الطبق اللي عملنا فيه الكريم نجيب ثلاث بيضات ونضرب بالمضرب مع الفانيليا والسكر لمده خمس دقائق.
-ضيفي الزيت اللبن والزيت واضربي كويس.
-ضعي الدقيق والبكينج بودر واخفقي مره اخري ثم في الاخير ضعي الكاكاو واضربي جيدا.
-نجيب الصينية اللي فيها الكريم كراميل ونضيف مقدار الكيكة ومش هنقلب نلاحظ ان المقادير اتلخبطت بس بعد التسوية هتنفصل كل طبقه لوحدها.
-نجيب صينيه حجمها أكبر ونضيف فيها مياه مغليه ونحط الصينية اللي فيها الخليط وندخلها الفرن علي درجه حرارة متوسطه.
-ساعة الا ربع نختبر الكيك بخله لو المكونات جافه يبقي الكيك استوى.
-طلعيها من الفرن ونبدل المياه في الصينية بمياه بارده ونسيبها الي ان تبرد وندخلها الثلاجة.
-اثناء التقديم ضعي مياه دافئة عشان الكراميل يفك من تحت ونقلبها في طبق كبير وتقطع.
وبألف هنا
لمزيد من الوصفات زوري حسابنا على يوتيوب وصفات اكل عربيه
