شرائح السمك المقرمشة

اهلا بيكم في موقعنا وصفات اكل عربيه  شرائح السمك المقرمشة

تعالى نقدم مع بعض طبق لذيذ جداااااااا

طريقته روعة مش هتاخد منك وقت

وهتعطيكى نتيجة مش هتصدقيها….

هتكونى النهاردة أشطر من أى شيف

المقادير:
6 قطع سمك فيليه
كوب ونصف بقسماط مطحون
1/2 معلقة ملح
1/4 معلقة فلفل أحمر مطحون
1/8 معلقة زعتر
1/8 معلقة فلفل أسود
معلقة بقدونس ناشف
1/3 كوب مستردة
1/3 كوب مايونيز
زيت للقلي

طريقة التحضير:
1- أحضري طبق، وحطّي فيه البقسماط والملح والفلفل الأحمر والزعتر والبقدونس والفلفل الأسود، وقلّبيهم مع بعض.

2- اخلطي المايونيز والمستردة كويس جداً مع بعض في طبق غويط.

3- أحضري الطاسة اللي هتقلي فيها السمك، وحطّي فيها كمية الزيت المناسبة للقلي، وسيبيها على النار لغاية ما الزيت يسخن.

4- أحضري قطع السمك، وابدئي حطّي واحدة واحدة في خليط المايونيز والمستردة، وبعد كده حطيهم في خليط البقسماط اللي عملتيه بحيث إن السمك يتغطى من الناحيتين بالبقسماط.

5- وفي الآخر حمّري قطع السمك في الزيت، وطلّعيهم على مناديل ورقية، وبعد كده حطيهم في طبق التقديم.

وبالصحة والهنا…

إقتراح التقديم:

قدمى شرائح السمك المقرمشة

مع سلطة الطحينة وسلطة الجمبرى الشهية

لمزيد من الوصفات زوري حسابنا علي يوتيوب وصفات اكل عربيه