وصفات أكل عربيه اكلات سريعة وشهيه لكي ولأسرتك
اهلا بيكم في موقعنا وصفات اكل عربيه وصفتنا اليوم طريقه عمل قرنبيط دايت
طبعا كلنا عارفين ان الفترة دي القرنبيط من الاكلات اللي المتاحة خلال الشتاء، وفي ناس كتير بتحبه ولكن سعراته الحرارية كبيره غير ان بيضاف بيتم تحميره وطبعا ده بيزود من سعراته
وعشان كده جبتلك انهارده طريقه مختلفة هتعمليه وتأكليه حتى لو بتعلمي دايت، ريحته وطعمه زى المقلي بدون اى نشويات وغني بالبروتين
يلا بينا نشوف وصفه اليوم.
المكونات:
- نص كيلو قرنبيط مسلوق
- نص حزمه بقدونس مفرومه
- بيضتين
- ملعقة صغيره كمون
- نص ملعقة صغيره فلفل اسود
- ملعقة صغيره ملح
- ملعقة صغيره ببريكا
- ربع ملعقة صغيره كركم
- ملعقتين كبار زيت زيتون
طريقه التحضير:
-اسلقي القرنبيط جيدا ثم ضعيه في بوله ويتم عصره جيدا من الماء.
-ويتم تقطيعه بعد عصره ليصبح قطع صغيره.
-ضعي عليه نصف جزمه بقدونس وملح وفلفل وببريكا وكركم.
-ثم ضعي عليه بيضتين وملعقتين كبار من الزيت زيتون.
-قلبي المكونات جيدا ويتم تشكيلها على شكل برجر.
-ضعيها في صينيه فيها ورقه زبده ومدهونه بزيت زيتون.
-دخليها فرن لمده نصف ساعة على درجه حرارة 180.
قدميها مع كاتشب صحي
الكمية كلها 510 سعر حراري
الوحدة 56 سعر حراري
الوحدة فيها 3,5 جرام بروتين
وبألف هنا
لمزيد من الوصفات زوري حسابنا على يوتيوب وصفات اكل عربيه
