وصفات أكل عربيه اكلات سريعة وشهيه لكي ولأسرتك
و رجعتلكم فى ميعادى مع أطيب سفرة لإفطار وسحور رمضان، مائدة رمضان لليوم الواحد والعشرين هتكون فيها أكلاتنا كتير شهية مناسبة لعزومة رااائعة ,,,,
يلا تعالى شوفى وصفات النهاردة وحضرى نفسك لعمل عزومه جامدة جداااا…
ولو مش هتعملى وصفاتنا يمكنك أخذ أفكار تفيدك مع وصفات تانية كتير
تضيفى ليها طابع خاص بيكى انتى ومع التجربة هتكونى أشطر من أشهر شيف …
مائدة رمضان لليوم الواحد والعشرين
حصري في وصفات أكل عربية
سفـــرة الإفطــــار:
المقادير:
1 ظهر بقري (5 ريش بقري قطعة واحدة حوالي 1/2 2)
*لتتبيلة البقسماط والفجل:
2 كوب دقيق بقسماط (فتات الخبز)
1/2 كوب بقدونس مفروم
1/2 كوب كرفس مفروم
3 أوراق مرامية طازجة (مفرومة)
1 ملعقة صغيرة ثوم مفروم
ملح وفلفل وجوزة الطيب مطحونة
1/4 كوب زيت زيتون
2 ملعقة كبيرة فجل مبشور
1 ملعقة كبيرة قشدة حامضة (Sour cream)
*لتتبيلة البقسماط والزنجبيل:
2 كوب بقسماط مطحون (فتات الخبز)
1/2 ملعقة ضغيرة بهارات بودرة
1/2 ملعقة صغيرة زنجبيل بودرة
1 ملعقة صغيرة ثوم مفروم
1 ملعقة صغيرة قرفة مطحونة
1/2 ملعقة صغيرة حبهان مطحون
1/4 ملعقة صغيرة جوزة الطيب مطحونة
1 ملعقة صغيرة كزبرة جافة مطحونة
1/2 ملعقة صغيرة بهار مشكل
1/4 كوب زيت زيتون
ملح وفلفل
*للتسوية:
1 بصل كبير (قطع)
1 كرفس (قطع كبيرة)
1 جزر كبير (قطع)
2 ورق غار (لورا)
1 كوب ماء
طريقة التحضير:
– قومى بتحضير الفرن زى ما اتعودنا وهيكون على درجة حرارة 170 مئوية.
– واشطفى الظهر بالماء الجاري ثم يُجفف ويُترك جانباً.
– في وعاء عميق، اخلطى مكونات التتبيلة الأولى مع التقليب حتى تندمج تماماً، تُترك جانباً.
– في وعاء آخر، اخلطى مكونات التتبيلة الثانية وتُقلب جيداً حتى تندمج أيضاً.
– ثم قومى بعمل شقوق طولية بين الريش باستخدام سكين حاد.
– واحشى الشقوق بالتتبيلتين بالتناوب ثم تُدعك الكميات المتبقية من التتبيلات على مساحة الظهر بأكمله.
– ثم ضعى قطع الخضروات (بصل- كرفس- جزر) في قاع صينية فرن مستطيلة (تتسع للظهر) ثم يُضاف ورق الغار والماء.
– وضعيها على شبكة معدنية(إن وجد) فوق الخضروات ثم يُوضع الظهر المُتبل فوقها.
– وادخليه بالفرن لمدة حوالي ساعتين وربع أو حتى تمام النضج.
– واتركيه ليبرد قليلاً ثم يُوضع على طبق التقديم مع الخضروات والصلصلة المكونة في قاع الصينية.
المقادير:
1/2 كيلو طماطم
ثمرة بطاطس
1 وحدة جزر
1 بصلة
2 عود كرات
شوربة فراخ
ملح وفلفل وزعتر
طريقة التحضير:
– قطعى البطاطس والجزر والبصل والكرات بطريقة عشوائية.
– ثم احضرى قدر وضعى فيه ملعقة زبدة ، وشوحى فيها كل الخضراوات وبعد ثم تتبل بالملح والفلفل والبهارات،
– قطعى الطماطم قطع كبيرة وضيفيها إلى الخضراوات السابقة واتركيها على النار لمدة خمس دقائقثم ضيفى إليها شوربة الفراخ ، واتركيها على النار حتى تنضج المكونات.
– بعد تمام نضج الحساء ارفعيه جانبا واتركيه حتى يبرد
-احضرى الخلاط الكهربائى واضربى الحساء ،ثم يصفى بالمصفاة في قدر واعيدى تسخينها مرة أخرى.
-وصبيها في طبق التقديم.. وتزين بالقليل من الكريمة على حسب الرغبة.
الحلـــويــات والعصـــائــر:
المقادير:
1حبة رمان
3/4 كوب توت
1 ملعقة ماء الورد
طريقة التحضير:
– اخلطى المكونات فى الخلاط الكهلابائى
– ثم صفيه ، وصبيه فى كاسات التقديم
*هذا المشروب مغذى جدااا وفيه فيتامينات كبيرة يفتقدها جسمنا فى الصيام.
المقادير:
4 بيضات
صفار بيضتين
2 كوب لبن دافي
كوب سكر
فانيليا
طريقة التحضير:
* الكراميل:
-احضرى طاسة وضعيها على النار وضعى فيها ملعقتين من السكر ، وقلبى سريعا حتى يسيح السكر ويصبح كراميل .
– وضعى الكراميل في القالب المخصص للكراميل واتركيه حتى يبرد قليلا، ثم ضعى اللبن على النار”حتى يصبح دافئ قليلا وليس ساخناً”.
– وقومى بخفق الـ4 بيضات وصفار البيضتين ، وضيفى اليهم كمية السكر المتبقية وهي 3/4 كوب ،و الفانيليا، واخلطيهم جيدا ،
– ثم ضيفى أخيرا اللبن الدافئ ،مع التقليب الجيد حتى تتجانس المكونات.
-ثم احضرى منديل أو قطعة قماش رقيقة واضعها على وجه الخليط حتى أتخلص من الرغاوي، ثم صفى الخليط بمصفاة على قالب الكراميل.
– وأدخلى قالب الكريم كراميل الفرن على حمام مائي
وعند نضجه اخرجيه من الفرن ،وضعيه بالثلاجة بعد ان يبرد
-وعند التقديم مباشرة اقلبيه في طبق التقديم، وزينى الطبق بشرائح الموز المرشوش عليها عصير ليمون..
السحــــور:
هقدم النهاردة طرق كتير مختلفة لتقديم الجبن القريش على السحور,أكلات خفيفة وصحية,,,, تعالى جربيها معايا…
1 – جبنة قريش + طماطم+جرجير + بقدونس في الخلاط
2 – صوص مكون من زبادي + جبنة قريش + مستردة / خردل
3 – توست بني (حبوب كاملة)+ جبنة قريش + زعتر أو حبة البركة
و ممكن تدخليها الفرن تحت الشواية
4 – اضافة زيتون للجبنة القريش ( 5 زيتونات لكل قطعة – 200 جرام جبن قريش) و اهرسيهم جيداً حتى يصبح لون الجبنة رمادي.
5 – جبنة قريش + بيض مسلوق ساخن مهروسين + ملح + كمون أو فلفل.
6- جبنة + طماطم + خيار + كمون أو فلفل اسود أو نعناع حسب الذوق و قليل من زيت الزيتون و يتم هرسهم جيداً .
7 – خلط الجبنة القريش بصنف الجبنة اللي بتفضليه 80% جبنة قريش و 20% الجبن اللى بتفضليها ويقدم مع التوست والسلطة الخضراء
8 – يتم حشو عجينة من دقيق كامل بجبنة قريش+نعناع و خبزها بالفرن و رشها بحبة البركة
9 – يتم تسخين الجبنة في زيت زيتون حتى يجف الماء و اضافة البيض لها و تقليبهم حتى ينضج البيض
يتم اضافة الفلفل الاسود لهم
10 – توست عيش بني (حبوب كاملة أو شعير) + جبنة قريش بدون ملح + عسل أو ملعقة مربى
11 – توست عيش بني(حبوب كاملة أو شعير) + جبنة قريش بدون ملح + فراولة أو توت بري
12- جبنة قريش بالفلفل (حسب الذوق أخضر أو أحمر) و تضرب في الخلاط و يمكن اضافة قليل من الشطة
13 – جبنة قريش بالبابريكا (الفلفل الاحمر الحلو) و يمكن اضافة قليل من الشطة
14 – جبنة قريش + سيمون فيميه + كابر + بصل أخضر و قليل من عصير الليمون
و أخيراً لو كل مرة اختارتى طريقة لا يمكن تشعرى بالملل من الجبنة القريش و دائما اهتمى بطريقة التقديم و استخدام الالوان اللي بجد بتفتح النفس وبتزيد من الشهية وبتجعل لسفرتك طااابع خاص …
خلصنا خلااااص وصفات اليوم
استنونى بكرة مع وصفات أحلى بكتييير
من أجمل الوصفات
تمام