وصفات أكل عربيه اكلات سريعة وشهيه لكي ولأسرتك
طريقة عمل القُرَص الطرية الفلاحى
المعجنات من الاكلات التى يحبها معظم الناس كونها لذيذة ومغذية وسهلة في تحضيرها سواء فى طريقة العمل او فى التجهيز للاكل فى الفطار او العشاء .
في وصفات أكل عربية وصفة جديدة وحصرية تابعي معنا .
طريقة عمل القُرَص الطرية الفلاحى
المكونات:
1 كيلو دقيق ابيض
1 كوب سمنة
نصف كوب زيت
2 معلقة قشطة
1 معلقة خميرة فورية
1 معلقة سكر
شوية من الملح
لبن رايب للعجن
لدهان الوش (بيضة وفانيليا)
طريقة التحضير:
اولا بنختبر الخميرة نضع الخميرة مع ربع ماء دافئ مع السكر فى كوب ونقلبهم كويس جدا ونغطيهم ونتركهم 10 دقايق للتفاعل.
في اناء غويط نضع كوب الدقيق مع الملح ونقلبهم كويس.
ننزل بالسمنة والزيت على الدقيق ونقلبهم جيدا لحد ما الدقيق يتشرب السمنة والزيت.
ثم ننزل بالقشطة ونقلبهم كويس.
ثم ننزل بالخميرة ونقلب ونكمل العجن باللبن الرايب لحد مالعجينة متلزقش فى الايد.
ثم نغطيها ونتركها تخمر.
نجيب صينية وندهنها زيت .
لما تخمر العجينة نقطعها كور ونسيبها نخمر تانى.
بعد ماتخمر نجيب العجينة ونضغط عاليها بايدينا لعمل قرص ونسيبها تخمر شوية بسيطة.
نخلص القرص ونرصها فى الصينية وقبل ماندخلها الفرن ندهن الوش بيض معاة شوية فانيليا .
ثم ندخلها الفرن على نارمتوسطة.
لما تاخد لون من تحت نطلعها على الرف الاعلى لتاخد اللون .
ملحوظة:
ممكن نحشي القرص جبنة قريش بالنعناع .
ممكن نرش على الوش سمسم او حبة البركة.
زين