وصفات أكل عربيه اكلات سريعة وشهيه لكي ولأسرتك
طريقة عمل البيتزا
البيتزا هى معشوقة الجماهير مافيش حد مش بيحبها لتعدد مكونتها ولانها سهلة وبسيطة وتكلفتها محدودة جدا .
في وصفات أكل عربية نقدم لكي الطريقة الامثل والاسهل لعمل البيتزا ، باقل المكونات الممكنه ، وباسرع طريقة .
مكونات صلصة البيتزا:
1كيلو طماطم
بصلة كبيرة
فصين توم
معلقة صغيرة توم بودر
معلقة صغيرة بصل بودر
معلقة صغيرة بابريكا
معلقة صغيرة زعتر
معلقة صغيرة ملح
نص معلقة صغيرة فلفل اسود
3 ملاعق كبار زيت ذرة
مكونات العجينة:
1 كيلو دقيق ابيض
2 معلقة كبيرة من السكر
نص معلقة صغيرة ملح
2 معلقة كبيرة خميرة فورية
2 معلقة كبيرة لبن بودر
1 بيضة
ربع كوب زيت
كوب ماء للعجن
طريقة تحضير الصلصة:
نضع فى حلة وسط الطماطم ونضع عاليهم البصل والتوم ثم نضيف ربع كوب من الماء (لا نزود الماء لان الطماطم بتنزل ماء) ونتركهم تغلى على النار ربع ساعة الى ان تنشف الماء.
ثم نضع الطماطم فى الخلاط الى ان تصبح ناعمة جدا.
ثم نضع عاليها التوابل والزيت.
طريقة تحضير عجينة البيتزا:
نضع الدقيق فى وعاء غويط.
ثم نضع عاليها السكر والملح.
ثم نضع عاليها الخميرة الفورية.
ثم نضع لبن البودر.
نقلب كل المقادير الجافة مع بعض كويس.
ثم نضع الزيت على الدقيق ونقلبهم مع بعض كويس( نفركهم بايدينا الى ان يصبح العجين مثل حبة الرمل).
ثم نضع البيضة.
ثم نضع ماء للعجن شوية شوية الى تصبح عجينة متماسكة.
ثم نضع شوية خل صغيرة.
ثم نحضر طبق غويط ونضع فيها العجينة فية ونغطيها بكيس بلاستك الى ان تخمر العجينة.
ثم نقطع الجينة اربع كور متساوية.
على المنضدة نضع شوية دقيق ونضع كرة من العجينة ونفردها على شكل دائرى على حجم الصينية التى سنضعها فبها ونسيبها تخمر شوية.
ثم بعد ماتخمر توزع الصلصة عليها .
ثم نضع الحشو المتاح عندك ( فراخ او لحمة مفرومة او جبنة او تونة اوبسطرمة ).
ثم نضعها فى الفرن على اعلى درجة الى تستوى من اسفل كويسة ونطلعها لنضع الجبنة.
ونضع الجبنة على البيتزا ثم نضعها فى الفرن بس نكون مشغلين الشواية فقط ونغلق الفرن الى ان تستوى كويس .
ملحوظة 1:
افضل طريقة عشان تكون الجبنة بتمط معاكى هى وضع الجبنة قبل اتمام تسوية البيتزا تحت الشواية
ملحوظة 2:
فى الصيف مدة تخمر العجينة حوالى ربع ساعة .
فى الشتاء تخمر العجينة حوالى فى ساعة.
كيلو الدقيق تقريبا تعمل 4 بيتزا كبيرة.
