وصفات أكل عربيه اكلات سريعة وشهيه لكي ولأسرتك
اهلا بيكم في موقعنا وصفات اكل عربيه البلطى المقلى بالثوم والكزبرة
أقدم لك النهاردة أكلة السمك المقلى المقرمش بطعم لا يقاااااااااوم ،
يلا استعدى لعمل أكلة سهلة ولذيذة الكل بيحبها
المقادير:
1كيلو سمك بلطى
8 فصوص توم
3 ثمرة فلفل اخضر
معلقة خل+ ليمونة
ملعقة كبيرة ملح
ملعقة صغيرة فلفل اسود
2ملعقة كبيرة كمون
وكسبرة وكارى
بقسماط + دقيق “للقلى”
طريقة التحضير:
طبعا هنفرم التوم والفلفل ونضيف الخل والليمون والملح والتوابل ونقلب كويس
ننضف السمك كويس ونغسله بالليمون والملح
وبعد كده نجيب السمك ونفتح فيه فتحات كده من على سطحه عشان الخلطة تدى طعم للحم كله
ونحط الخلطة بتاعتنا فى السمك
ونسيب السمك فى الخلطة اطول فترة ممكنة بس مش اقل من ساعة
عشان يبقى اخد طعم الخلطة كويس
وبعد ماسيبت السمك فى الخلطة حوالى اربع او 5 ساعات كده
هنبدأ نقلى السمك
هنجيب شوية دقيق وعليهم شوية بقسماط متبل
ونحط كل سمكة فى الخلطة دى ويكون الزيت سخن كويس ونبتدى نقلى ان شاء الله
ونقدمه مع سلطة طحينه ومخلل وعيش سخن أو أرز مفلفل وسلطة خضراء
وبالصحة والهنا,,,
لمزيد من الوصفات زوري حسابنا علي يوتيوب وصفات اكل عربيه
