طاجن لسان العصفور باللحم والفلفل الحار

اهلا بيكم في موقعنا وصفات اكل عربيه طاجن لسان العصفور باللحم والفلفل الحار
طبقنا النهاردة من الأطباق التى تحتوى على النشويات والبروتين وتعتبر من الأطباق الرئيسية المتكاملة التى تمنحنا الطاقة خاصة فى فصل الشتاء وبرودة الجو

المقادير:

1/ 4 كيلو لسان عصفور محمص
1/ 2 كيلو أرز
1/ 2 كيلو لحمة تُقطّع مكعبات صغيرة
3 حبات بصل
2 حبة طماطم
حبة فلفل أحمر
حبة فلفل حامي
4 ملعقة كبيرة زبدة

طريقة التحضير:
1- تبّلي اللحمة بالملح والفلفل، وشوّحيها في ملعقتين زبدة لمدة 5 دقائق لحد ما تاخد لون، وبعدين تضيفي عليها بصل مفروم خشن، وغطّيها وسيبيها على النار.

2- بعد ما البصل يدبل حطّي مكعبات الفلفل الأحمر والطماطم والفلفل الحامي وقلبيهم، وغطّي الحلة مرة كمان، وسيبيها لحد ما اللحمة تستوي نصف تسوية، وتشرب السائل اللي فيها.

3- حطّي باقي كمية الزبدة، وشوّحي فيها الأرز واللسان عصفور، وقلّبيهم مع بعض وتبليهم بالملح، وبعدين اسقيهم بكمية من شوربة فراخ أو لحمة تغطيهم، وبعدين غطي الحلة، وسيبيها على النار لحد ما الأرز ولسان العصفور يستوي نصف تسوية.

4- بعد ما اللحمة تستوي وخليط الأرز ولسان العصفور يستوي ابدئي جهزي الطاجن؛ وده بإنك تدهنيه بمادة دهنية، وبعدين حطي فيه الأرز، واعملي فتحة في منتصف الطاجن، وصبّي فيها خليط اللحمة، واسقيه بنصف كوب من الشوربة ودخّليه الفرن.

5- بعد ما كل المكونات في الطاجن تستوي طلّعيه من الفرن، وقدّميه..
وبالصحة والهنا,,,

إقتراح التقديم:
قدمى أكلة النهاردة مع الحساء الساخن بقطع الدجاج

لمزيد من الوصفات زوري حسابنا علي يوتيوب وصفات اكل عربيه