وصفات أكل عربيه اكلات سريعة وشهيه لكي ولأسرتك
اهلا بيكم في موقعنا وصفات اكل عربيه شرائح السجق المتبلة بطريقة مبتكرة وشهية
طريقتنا النهاردة تحفة,,, مش ممكن تسيبيها ,,, عن جد تجنن,,, خليكى دايما متجددة ومبدعة فى تقديم أطباقك وجربيها وقدمى طبق لذيذ وسريع وكتير شهى
المقادير:
1/2 كيلو سجق أو سوسيس
ثمرة طماطم صغيرة
معلقة كبيرة طحينة
معلقة صغيرة زعتر
2 أو 3 فص ثوم
صلصة طماطم
ملح وفلفل
فلفل أخضر
بصلة
زيت
خل
طريقة التحضير:
1- أول حاجة قطّعي السجق حلقات زي اللي بتكون على البيتزا؛ بس ما تخليش سُمكها رفيع، يعني ممكن تقسّمي الواحدة على ثلاث أو أربع حلقات، وسيبيه على جنب شوية.
2- هاتي البصلة والثوم وافرميهم مع بعض كويس، وهاتي طاسة كبيرة وحطي كمية كبيرة شوية من الزيت، وحطي فيها الثوم والبصل ومعلقتين صلصة كبار، وقلبيهم مع بعض كويس، وسيبيهم على النار لمدة من 5 إلى 7 دقايق.
3- بعد كده قطّعي الطماطم لقطع صغيرة وضيفيها على الثوم والبصل والصلصة، وسيبيهم لمدة 5 دقايق كمان، وبعد كده لو حابة ممكن تقطّعي الفلفل وتضيفيه عليهم.
4- حطّي السجق مع الحاجات اللي فاتت وسيبيه لحد ما يستوي، وطبعاً ما تنسيش الملح والفلفل.
5- قبل ما تطفي على السجق حطّي معلقة الطحينة ومعلقة الخل، وفي الآخر رشّي عليه شوية زعتر واطفي على طول.
* وممكن تجرّبي الوصفة في كمية صغيرة الأول، وممكن تقللي المقادير حسب الكمية اللي عندك..
وبالصحة والهنا,,,
لمزيد من الوصفات زوري حسابنا علي يوتيوب وصفات اكل عربيه
