وصفات أكل عربيه اكلات سريعة وشهيه لكي ولأسرتك
اهلا بيكم في موقعنا وصفات اكل عربيه وصفه اليوم دجاج بالزبدة والثوم
وتعتبر اطري وصفه دايبه مع احلي صوص جربيها ومش هتندمى هتحسي انك بتأكلي فراخ تندر
جددي من طريقه عمل الدجاج وجربي وصفتنا طريه وسهله وبسيطة مش هتفكري تسلقي الدجاج تانى
ولا تعمليه بالطرق التقليدية.
المكونات:
- فرخه صحيحه
- قالب زبد 100 جرام
- ملعقتين كبيره ثوم مفروم
- نصف كوب عصير برتقال
- ملعقتين زبده
- ثلاث فصوص ثوم صحيح
- اثنين الي ثلاث اعواد روزماري فريش
خليط الصوص
- ملعقتين كبيره عسل ابيض
- ثلاث ملاعق كبيره ماء طرشي
- ملعقة كبيره صويا صوص
- ملعقتين كاتشب
- ملعقة باربكيو
- معلقة صلصه
- ملعقة صغيره ببريكا
- ملح وفلفل حسب الرغبة
طريقه التحضير:
- احضري قالب الزبدة 100 جرام بدرجه حراره الغرفة ونضع عليه الثوم المفروم ونحشي بيهم الدجاج بين الجلد واللحم.
- ونسقيها من فوق بعصير برتقال.
- طاسه علي النار بها ملعقتين زبده وفصوص الثوم الصحيحة والروز ماري ونحمر الدجاج علي الوجهين الي ان تأخذ لون ذهبي.
- احضري صينيه ونضع فيها الدجاجة وننزل عليها بالزبدة بتاعه التحمير من الطاسة.
- لعمل الصوص نضيف العسل مع ماء الطرشي والصويا صوص ثم ضعي الكاتشب والباربكيو والصلصة والببريكا.
- وننزل بالصوص علي الدجاج كلها ونعمل فتحات عشان تشرب من الصوص.
- وندخلها فرن سخن حتى تنضج.
يمكن تقديمها مع الأرز الأبيض وصينيه بطاطس
وبألف هنا
لمزيد من الوصفات زوري حسابنا علي يوتيوب وصفات اكل عربيه
