ستيك بالمشروم والكريمة

ستيك بالمشروم والكريمة

قدمى طبق اليوم على الغداء هذا الطبق يعتبر وجبة رئيسية متكاملة ويصلح أيضا للعزومات مع أطباقك المشوية … طبق جميل جدااا يلا غيرى فى أكلاتك وجربيه

المقادير:
4 قطع لحمة ستيك
1/ 2 1 كوب شوربة لحمة
2 ملعقة كبيرة كريمة طبخ
2 ملعقة كبيرة زبدة
ملعقة صغيرة دقيق
1/ 2 علبة مشروم
1/ 4 كوب خل
ملح وفلفل
2 فص ثوم
بصلة

طريقة التحضير:
1- هاتي حلة وحطّي فيها الزبدة على النار، وشوّحي فيها اللحمة لمدة 3 دقائق؛ لغاية ما تتحمرّ من الناحيتين.

2- ارفعي اللحمة من على النار، وبعد كده حمّري البصل في نفس الحلة، وبعدين ضيفي عليه الثوم والخل.

3- اخلطي الدقيق مع الشوربة في الخلاط، وبعد كده ضيفي الخليط ده على البصل، وسبيهم على النار لغاية ما الخليط يبدأ يغلي.

4- بعد كده ضيفي اللحمة وقطّعي المشروم عليهم، وسبيهم على النار لحد ما تحسي إن اللحمة والمشروم استووا، وبعد كده تبّليهم بالملح والفلفل.

5- ضيفي الكريمة على اللحمة، وسيبي اللحمة تسخن شوية، وبعد كده حطيها في طبق التقديم، وممكن تعملي معاها أرز أبيض..

وبالصحة والهنا….