وصفات أكل عربيه اكلات سريعة وشهيه لكي ولأسرتك
النهاردة أكلتنا شهية جدااا …طبعا مفيش حد مش بيحب الدجاج المشوى,,,
علشان كدة قولت لازم أحضرلك طريقته اللذيذة اللى لازم تعرفيها علشان تكونى ولا أحسن طباخة ماهرة,,,
يلا تعالى نقدمها مع بعض النهاردة على الغداء…
المقادير:
1 دجاجة كاملة
2 ملعقة كبيرة زيت زيتون
2 ملعقة صغيرة روزماري فريش “مفرومة”
3 فصوص ثوم مفرومين
ملح وفلفل أسود
1/2 ليمونة مبشورة بالقشر
1/4 فنجان عصير ليمون
أوراق روزماري “للتزيين”
شرائح ليمون “للتزيين”
طريقة التحضير:
*التتبيلة:
– اخلطى ملعقة كبيرة من زيت الزيتون مع الروزماري المفروم، والثوم، والليمون المبشور، والملح، والفلفل الأسود، وعصير الليمون،وقلبى جيدا.
*الدجاج:
– قومى بغسل الدجاجة واغسليها جيدا وصفيها ، ثم قومى بعمل تجويف باستخدام أصابعك بين الجلد واللحم في جميع أجزاء الدجاجة.
– احضري التتبيلة السابق تحضيرها وتبلى بيها الدجاجة بشكل متساوي وادخلى التتبيلة بين الجلد واللحم وفى تجويف الدجاجة ، مع عمل شقوق باستخدام السكينة في منطقة الصدر والأوراك،
– اتركى الدجاجة لمدة ساعتين فى التتبيلة حتى تأخذ طعم جميل.
– وسخنى الفرن على درجة حرارة متوسطة، ثم ضعى الدجاجة فى صينية، وادخليها الفرن لمدة ساعة ونص مع التقليب حتى تمام النضج.
– اخرجيها من الفرن وضعيها في طبق التقديم، وزيّني الطبق بشرائح الليمون وأوراق الروزماري..
وبالصحة والهنا,,,
إقتراح التقديم:
قدمى الدجاج المشوى مع باستا فيتوتشينى بالمشروم والجبن
والسلطات و الطحينة.
