الجمبري المقلى والمتبل بالثوم والليمون

اهلا بيكم في موقعنا وصفات اكل عربيه  الجمبري المقلى والمتبل بالثوم والليمون 

استمتعى بطعم الجمبرى اللذيذ المتبل بالتتبيلة الشهية…مذاق ولا أحلى وجبة خفيفة وشهية وكتييير مفيده
قدميها على الغداء أو العشاء هتحبيها جدااا

المقادير:
½ كيلو جمبري مقشر
3 فص ثوم مفروم
2 ثمرة طماطم مقطعة
ملعقة صغيرة زيت زيتون
2 ثمرة بصل مقطعة شرائح
3 ملعقة كبيرة عصير ليمون
½ ملعقة صغيرة كزبرة ناشفة
3 ثمرة فلفل رومي أخضر وألوان
ملح وفلفل

طريقة التحضير:
1- اخلطي الجمبري مع المكوّنات السابقة كلها -إلا زيت الزيتون- في طبق غويط وقلّبيها كويس، وسيبيها في التلاجة لمدة ساعتين على الأقل.

2- حطّي الخليط مع ملعقة زيت الزيتون في طاسة صاج أو تيفال كبيرة على نار هادية، وقلّبيه كل شوية، وضيفي له مية كل ما يحتاج لحد ما يستوي الجمبري خالص.. وقدّميه مع مكرونة بالصوص الأبيض
وبالصحة والهنا…

لمزيد من الوصفات زوري حسابنا علي يوتيوب وصفات اكل عربيه