بيتزا بحشو الموتزاريلا “بسعرات حرارية أقل”

اهلا بيكم في موقعنا وصفات اكل عربيه بيتزا بحشو الموتزاريلا “بسعرات حرارية أقل”

جميلتى.. لو كنتى خايفة على وزنك يزيد او لو كنتى بتتبعى نظام ريجيم وبتحبى البيتزا جدااا ومش بتقدرى تقاوميها … تعالى معايا هقدم لك بيتزا طعمها يجنن وكمان سعراتها الحرارية قليلة وهتقدرى تحافظى على وزنك وتاكلى اللى بتحبيه

المقادير:
3 كوب دقيق
كوب لبن منزوع الدسم
3 ملعقة صغيرة زيت نباتي
ملعقة كبيرة بيكينج باودر
1/ 2 ملعقة صغيرة ملح
ملعقة صغيرة خميرة
سكر

*الحشو:
1/ 4 كيلو شرائح جبنة موتزاريلا لايت (موجودة في السوبر ماركت)
2 ملعقة كبيرة كاتشاب دايت
2 ثمرة طماطم مقشّرة ومفرومة
بصلة متوسطة مقطّعة حلقات
ثمرة فلفل أخضر مقطّعة حلقات
1/ 2 ملعقة صغيرة زعتر
زيتون أسود

طريقة التحضير:
1- لتحضير العجينة، اخلطي كل المكونات بتاعتها مع بعض في طبق كبير لغاية ما المكونات كلها تتجانس مع بعض.

2- بعد كده زوّدي العجينة تدريجيا بمقدار كوب ميه مع تقليب العجينة باستمرار.

3- غطّي العجينة وسيبيها في مكان دافئ لمدة ساعة علشان تتخمّر وتترفع.

4- هاتي الصينية اللي هتعملي فيها البيتزا، ورشّي فيها كمية صغيرة من الدقيق، وافردي العجينة فيها بحيث إن سُمكها يبقى تقربيا 1/ 2 سم، ودخّليها الفرن على درجة حرارة 200 لمدة 10 دقائق وبعدين طلّعيها.

5- افردي الكاتشاب على العجينة، وبعد كده رشّي عليها الزعتر، وعلى الوش وزّعي الطماطم والبصل والفلفل والزيتون.

6- تقدري تضيفي كمان أي أكلات لايت تحبّيها؛ يعني ممكن تحطّي قطع فراخ مسلوقة أو تونة دايت، وفي الآخر ضيفي شرائح الجبنة الموتزاريلا.

7- دخّلي الصينية في الفرن مرة تانية لمدة 10 دقائق تقريبا، لغاية ما الجبنة تذوب.. وبالصحة والهنا…

إقتراح التقديم:

قدمى البيتزا مع زبادى بالنعناع ومكعبات الخيار

لمزيد من الوصفات زوري حسابنا علي يوتيوب وصفات اكل عربيه