سفرة رمضان لليوم التاسع”أشهى المشاوى”مكس جريل” وسلطة بابا غنوج وطعمية بيتى والكنافة بالكريمة بطريقة جديدة”

اهلا بيكم في موقعنا وصفات اكل عربيه سفرة رمضان لليوم التاسع”أشهى المشاوى”مكس جريل” وسلطة بابا غنوج وطعمية بيتى والكنافة بالكريمة بطريقة جديدة” 

 حبيباتى.. أخبار أكلاتكم ايه فى رمضان ان شاء الله تكونوا قدمتوا أكلات شهية ولذيذة تسعدوا بيها أسرتكم وأهلكم … مفيش أحلى من اللمة الحلوة فى رمضان على سفرة فيها الأكلات اللى بتحبوها وتلاقى الكل يشكرك على شطارتك وأكلك الجميل … تعالى يلا معايا هنعمل سفرة لذيذة جدااا فيها المكس جريل اللى مفيش أحلى منه مع سلطة بابا غنوج الشهية ويا سلام ع الكنافة اللى هنقدمها النهاردة بجد روووعة… مستعدين؟  يلا بينا ع المطبخ ،

 

الـإفطــار:

المقادير:

كيلو لحمة ضاني (من منطقة الفخذة)
1/ 2 كيلو لحمة ضاني مفرومة (يفضل إنها تكون من الجزء اللي فوق الريش)
1/ 2 كيلو ريش ضاني
2 ملعقة كبيرة بقدونس
4 ثمرات بصل
ملح وفلفل

طريقة التحضير:
1- ابشري البصل، واعصريه كويس جدا علشان تصفّيه من الميه بتاعته، وشيلي البصل في طبق لوحده على جنب، وخلّي ميه البصل لوحدها.

2- حضّري الكباب، وكل اللي عليكي إنك تجيبي اللحمة الضاني وقطّعيها قطع صغيرة أو على حسب الحجم اللي إنت عايزاه، وتبّليها مع الريش في مية البصل وشوية ملح وفلفل، وغطّيهم كويس وشيليهم في الثلاجة لمدة 3 ساعات على الأقل؛ علشان يتشرّبوا من التتبيلة.

3- ضيفي بشر البصل اللي صفّيتيه من الميه بتاعته مع البقدونس، وحطّيهم على اللحمة المفرومة علشان تعملي الكفتة، وتبّليها بالملح والفلفل.

4- حضّري الشواية، وحطّي عيلها قطع اللحمة والريش، وهاتي الأسياخ علشان تشكّلي عليها الكفتة، واضغطي عليها بايدك؛ علشان تساويها وتبقى كلها طول واحد، وحطّيها على الشواية، وقلبي على الجانبين بحيث إنها تقعد في البداية على كل جانب لمدة دقيقتين علشان تتماسك، وبعدين ارجعي قلّبيها مرة تانية على الناحيتين، لغاية ما تستوي.

5- لو معندكيش شواية في البيت، ممكن تحمّري الكباب والكفتة على النار مع حتة زبدة صغيرة جدا، وعلشان تديها ريحة الشوي، حطّيهم في صينية ودخّليهم الفرن، وفي نصف الصينية حطّي شرايح بصل وعليها فحمة مشتعلة، وقبل ما تدخليها الفرن على طول حطّي على الفحمة حتة زبدة علشان تدخن في الصينية وتديكي ريحة الشوي، وعند التقديم ممكن تعملي معاه أرز بالخلطة.

 

المقادير

3 باذنجان رومي متوسط
1 بصل متوسط
2 ملعقة كبيرة عصير ليمون
2/1 كوب طحينة
2/1 كوب ماء دافئ
4 ملعقة كبيرة لبن زبادي
4 ملعقة كبيرة زيت زيتون

طريقة التحضير:
– يُسخن الفرن على درجة حرارة 180 درجة مئوية.
– يُغسل الباذنجان ويُجفف ويُثقب في أماكن متفرقة بواسطة طرف سكين حادة.
– يُدهن الباذنجان والبصل بقليل من الزيت ويُرص على صاج ويُوضع في الفرن لمدة 30 دقيقة أو حتى تمام النضج .
– يُوضع الباذنجان وهو ساخن في كيس بلاستيك ويُلف بإحكام ويُترك لبضع دقائق ثم يتم قطع الجزء الأخضر منه بالسكين مع الضغط عليه للتخلص من القشرة الخارجية بسهولة مع إزالة أكبر كمية من البذر.
– يُهرس الباذنجان بالشوكة مع إضافة عصير الليمون حتى لا يتغير لونه ويُترك جانباً ويُقطع البصل المشوي قطعاً صغيرة.
– تُخفف الطحينة بالماء الدافئ في وعاء عميق ويُضاف الزبادي و3 ملاعق من زيت الزيتون وتُتبل بالملح والفلفل.
– يُضاف الباذنجان وقطع البصل إلى خليط الطحينة مع التقليب حتى تتجانس المكونات.
– عند التقديم يُزين بزيت الزيتون والرمان وشرائح الليمون والبقدونس.

للتزيين:
رمان حب
شرائح ليمون
بقدونس مفروم

 

العصــائــر والحلــويــات:

المقادير:

2 ثمرة موز مقطّعة قطعا صغيرة
¼ كيلو فراولة مقطّعة قطعا صغيرة
5 ملعقة صغيرة عسل نحل
2 كوب عصير برتقال
2 كوب عصير تفاح
كوب لبن

طريقة التحضير:
1- اضربي كل المكونات مع بعضها في الخلاط.

2- بعد كده صبّي الخليط في الكوبايات وزيّنيه بحلقات صغيرة من الموز والفراولة.

 

 

المقادير:

للشربات ( القطر)
1 كوب ماء
2 كوب سكر
1/2 ملعقة صغيرة زعفران
1 ملعقة صغيرة عصير ليمون

للكنافة
1/2 كيلو كنافة خصلات طويلة طازجة
1 كوب سمن سائل
1 كوب كريمة لباني مخفوقة
1 كوب قطع فواكه طازجة ( توت – موز – فراولة- مانجو)

طريقة التحضير:

للقطر ( الشربات):
– يُوضع الماء مع السكر في إناء على نار متوسطة حتى يذوب السكر ويبدأ الخليط في الغليان.
– يُطحن الزعفران ويُذاب في قليل من الماء ثم يُضاف لخليط الماء والسكر.
– يُضاف عصير الليمون، ويُترك الشربات على النار لمدة 10 دقائق حتى يغلظ قوامه، يُرفع جانباً.
للكنافة
– يُسخن الفرن على حرارة 180 درجة مئوية.
– تُقسم الكنافة إلى قسمين، يُقسم القسم الأول إلى 3 أقسام متساوية، توضع على سطح أملس وتُشكل على هيئة ضفيرة.
– تُلف لتشكل حلقة وتُوضع داخل قالب فرن دائري (مثل الإطار، كما بالصورة)، يوضع قالب فرن أصغر قليلاً (داخل القالب الكبير) بحيث يحافظ على مكان إطار الضفيرة، تُرش بقليل من السمن، توضع في الفرن لمدة 15 دقائق أو حتى تصبح ذهبية اللون، تُترك لتبرد قليلاً.
– يُخلط القسم الثاني من الكنافة بالكمية المتبقية من السمن، تُفرك باليد جيداً.
– تؤخذ كمية صغيرة من خليط الكنافة وتوضع في صاج في الفرن لمدة 10 دقائق أو حتى تصبح ذهبية اللون، تُترك لتبرد تماماً وتوضع جانباً.
– تُوضع الكمية المتبقية من خليط الكنافة داخل قالب فرن مستدير( نفس مقاس القالب السابق للضفيرة)، مع الضغط براحة اليد حتى تتماسك ثم توضع بالفرن لمدة 15 دقيقة أو حتى تصبح ذهبية اللون، تُترك لتبرد قليلاً.
– يُوضع قرص الكنافة على طبق التقديم، يُرش بكمية من القطر ثم توضع فوقه ضفيرة الكنافة (كما بالصورة) وتُرش الضفيرة بالقطر.
– تُخلط الكريمة المخفوقة مع قطع الفواكه والكنافة المحمرة في وعاء عميق.
– يُملأ منتصف الضفيرة بخليط الكريمة والفواكه.

 

السحـــور:

المقادير:

سمسم للتزيين” حسب الرغبة”
0.50 ملعقة صغيرة فلفل أسود لتتبيل الطعمية
2 ملعقة ملح لتتبيل الطعمية
حبة بصل متوسط الحجم
10 فصوص ثوم
0.25 كوب شبت
0.25 كوب جذور البصل الأخضر
0.50 كيلو فول مقشر ومنقوع طوال الليل
0.25 كوب بقدونس
0.25 كوب كزبرة خضراء
شطة لتتبيل الطعمية حسب الرغبة
2 ملعقة صغيرة كزبرة مطحونة لتتبيل الطعمية
4ملعقة صغيرة كمون لتتبيل الطعمية
0.50 ملعقة صغيرة كاري لتتبيل الطعمية
ملعقة صغيرة بيكربونات الصوديوم
زيت نباتي للقلي حسب الرغبة

طريقة التحضير:

– نأخذ الفول المنقوع ونصفيه من الماء، ثم نغسله مرةً واحدةً ونصفيه ثانيةً

– نفرم الفول في المفرمة اليدوية أو الكهربائية، حتى يصبح كالعجينة

– نفرم الكزبرة الخضراء والشبت وجذور البصل الأخضر والبقدونس فرماً متوسطاً

– نفرم الخضار والبصل في المفرمة مرةً أخرى

– نضيف الثوم والتوابل إلى خليط الخضار والبصل ونفرهم معاً حتى يصبحوا كالعصير

– نضيف الخليط السابق والبايكربونات إلى الفول ونخلطهم معاً للمرة الأخيرة حتى يتجانسوا تماماً، ثم نضيف السمسم

– نشكل الخليط على شكلٍ كراتٍ صغيرةٍ أو متوسطة الحجم، ويمكننا تشكيلها كأقراصٍ

– نقلي الطعمية في زيتٍ حارٍ حتى تصبح شقراء اللون
-ضعيها على مناديل ورقية لتتشرب الزيت الزائد,وتقدم مع تزيينها بالطماطم والمخلل والخبز الشامى
وبالصحة والهنا …

 

خلصنا خلاص سفرتنا الرمضانية يا رب تكون عجبتكم جربوها وقولوا ايه رايكم ، ان شاء الله تعجبكم واستنونى بكرة باذن الله ووصفات كتييير بتحبوها علشان تقدموها فى أحلى أيام مباركة أعادها الله علينا وعليكم بالخير والصحة واليمن والبركات.

لمزيد من الوصفات زوري حسابنا علي يوتيوب وصفات اكل عربيه