طبعا كلنا فى فصل الربيع والصيف بنحب نتناول الوجبات الخفيفة والسريعة التحضير وكتير جدااا مننا بيحب يتناول التيك اواى … لكن اذا صنعتى اكلاتك المفضلة فى البيت هتكون افضل بكتير وغير كدة هتكونى متأكدة من نضافتها ومصدرها
المقادير:
½ كيلو لحمة مفرومة
بصلة متوسطة الحجم مفرومة ناعما
ملعقة كبيرة توابل لحمة “هتلاقيها عند العطار”
بيضة مخفوقة مع الملح والفلفل
كوب جبنة موتزاريلا مبشورة
3 أكواب بقسماط مطحون
3 فصوص ثوم مفرومين
ملح وفلفل أسود
شرائح طماطم
أوراق خس
شرائح بصل
خيار مخلل
طريقة التحضير:
1- اخلطي اللحمة المفرومة مع البصل والثوم ونصف كمية البقسماط والملح والفلفل.
2- اخلطي الجبنة المبشورة مع البيض وباقي كمية البقسماط.
3- قسّمي اللحمة إلى كرات متساوية الحجم وقوّريها من النصف علشان تحشيها بالجبنة، واقفليها كويس وافرديها زي البرجر.
4- رصّي البرجر في صينية ودخليها الفرن على درجة حرارة هادية، أو اشويه على الشواية الكهربائية.
5- حطّي البرجر في الساندوتشات، ومن فوقه حطّي أوراق الخس وشرائح البصل والطماطم والخيار المخلل..
وبالصحة والهنا,,,