وصفات أكل عربيه اكلات سريعة وشهيه لكي ولأسرتك
قالب اللازانيا الشهية بالبشاميل والجبن الرومى
يا سلام على الطعم اللذيذ للازانيا الشهية,,, طبق جميل جدااا يستحق التجربة,,, هيعجبك وهيحبه كل أفراد أسرتك. فكونى حريصة دائما على التجديد فى أطباقك ولو كل فترة حتى تكسرى الملل
المقادير:
*البشاميل:
6 ملعقة كبيرة زبدة
6 ملعقة كبيرة دقيق
5 كوب حليب
2 بيضة
ملح وفلفل
1/ 4 ملعقة صغيرة جوز الطيب
*الحشو:
3 بيضات
1/2 كيلو سبانخ
بصلة مفرومة
كوب جزر مبشور
1/ 4 كوب زيت زيتون
كوب جبنة رومي مبشورة
3 ملاعق كبيرة بقدونس مفروم
16 شريحة مكرونة لازانيا
ملح وفلفل
طريقة التحضير:
– أول حاجة اعملي البشاميل، وده بإنك تخلطي الزبدة والدقيق في حلة على النار، وقلّبيهم لحد ما يتجانسوا ويبقى لونهم أصفر.
– وصبي عليهم اللبن الدافئ، وقلبيهم باستمرار على نار متوسطة لحد ما الخليط يبقى قوامه كثيف، وسيبيه على النار لمدة 20 دقيقة مع التقليب، وبعدين تبليها بالملح والفلفل وجوز الطيب.
– سيبيه يبرد شوية لمدة 10 دقائق، وبعدين اضربي البيض وضيفيه على البشاميل، وقلّبيهم كويس علشان يمتزجوا.
– بعدين اعملي الحشو، وده بإنك تشوّحي البصل المفروم في الزيت لمدة 15 دقيقة، وبعدين ضيفي عليه السبانخ المفرومة والجزر المبشور وقلّبيهم.
– اخلطي الجبنة الرومي والجبنة الشيدر والبقدونس، وبعدين اضربي البيض وقلّبيه مع خليط الجبنة، وخدي منه ثلث الكمية وضيفيها على السبانخ وقلّبيهم كويس.
– اسلقي اللازانيا في ميه مغلية، وبعد ما تستوي برّديها بميه باردة، وادهنيها بزيت بسيط وخليها على جنب.
– حطي كمية من البشاميل في قالب بحيث تغطي القاع، وبعدين حطي طبقة من اللازانيا وعليها خليط السبانخ، وبعدين حطي طبقة تانية من شرايح المكرونة وعليها طبقة من خليط الجبن.
– كرري الخطوات السابقة لحد ما تخلصي المكونات اللي عندك، وتكون آخر طبقة هي طبقة البشاميل، ودخليها فرن عالي لمدة 45 دقيقة لحد ما يبقى لونها دهبي، وقدّميها..
وبالصحة والهنا,,,
إقتراح التقديم:
قدمى أشهى طعم اللازانيا
