مافن بالشيكولاة والنسكافيه

اهلا بيكم في موقعنا وصفات اكل عربيه  مافن بالشيكولاة والنسكافيه

لكل عشاق الحلويات حضرت لكم النهاردة نوع حلوى جميل جداااا ومميز …

هنقدم مع بعض المافن الجميل بالشيكولاة والنسكافيه,,,

يلا مستنيين ايه تعالوا شوفوا الجمال

المقادير:
كوب دقيق
2 باكت نسكافيه
1/ 2 كوب لبن دافئ
كوب شيكولاة مبشورة
1/ 4 كوب زبدة سايحة
1 1/ 2 ملعقة بيكنج بودر
1/ 2 ملعقة صغيرة ملح
ملعقة فانيليا صغيرة
ملعقة صغيرة قرفة
3/ 4 كوب سكر
بيضة

صوص النسكافيه:
2 باكت نسكافيه
1/ 2 كوب زبدة
2 كوب سكر بودرة
1/ 2 ملعقة فانيليا
ملعقة كبيرة ماء دافئ

طريقة التحضير:
لتحضير المافن:
دوّبي النسكافيه مع اللبن الدافئ، وقلّبيهم كويس، وبعدين ضيفي عليهم الزبدة السايحة والبيض والفانيليا، واخلطيهم كويس لحد ما يتجانسوا.

هاتي وعاء تاني، واخلطي فيه الدقيق والسكر والبيكينج بودر والقرفة والملح.

صبّي خليط الزبدة والبيض على الدقيق، وقلّبيهم كويس مع بعض، وبعد كده ضيفي عليهم الشيكولاة المبشورة.

هاتي قوالب الكيك وافردي فيها ورق الزبدة، وصبّي فيها الخليط، ودخّليها فرن ساخن وسيبيها لمدة لمدة 20 دقيقة.

لتحضير صوص النسكافيه:
اضربي السكر مع الزبدة والفانيليا بالمضرب الكهربي، ودوّبي القهوة مع الماء الدافئ، وضيفيه على خليط السكر والزبدة والفانيليا، وبعد ما يبرد المافن زيّنيه بالصوص ده، وقدّميه..

وبالصحة والهنا,,,

إقتراح التقديم:
قدمى مافن الشيكولاة والنسكافيه مع القهوة بالحليب والموكا

لمزيد من الوصفات زوري حسابنا علي يوتيوب وصفات اكل عربيه