فيليه اللحم الملفوف بخليط اللوز “من المطبخ الإسبانى”

اهلا بيكم في موقعنا وصفات اكل عربيه  فيليه اللحم الملفوف بخليط اللوز “من المطبخ الإسبانى”

جميلتى… علشان تجذبى أسرتك حول سفرتك وتجعليهم دائما يتناولوا وجباتهم بالمنزل ، لازم تقدمى أطباق جديدة وبطرق مختلفة , هتلاقيهم دايما بيفضلوا أكلاتك عن أكلات الأسواق,,, جربى ولا تقلقى فالتجربة خير دليل

المقادير :

• كيلو ونصف لحمة (شرائح فيليه).
• ربع كوب لوز مقشر ومفروم.
• نصف كوب زيتون أخضر مفروم.
• ملعقة صغيرة قرفة ناعمة.
• ملعقة زيت زيتون.
• 3 أكواب عصير برتقال.
• كوب مرقة لحم.
• معلقتين صلصة طماطم.
• أعواد خِل (خشبية).

طريقة التحضير:

1. شيلي كل الدهون من الفيليه.
2. اخلطي اللوز المفروم مع الزيتون والقرفة في طبق وقلبيهم كويس.
3. حطي خليط اللوز داخل الفيليه، ولفي الفيليه على شكل أسطواني، واقفلي الأطراف بعيدان الخل الخشب.
4. سخني الزيت وحمّري الفيليه لمدة 5 دقائق على نار مرتفعة لغاية ما الفيليه يبقى لونه ذهبي من كل الجوانب.
5. ضيفي عصير البرتقال ومرق اللحم وصلصة الطماطم لقطع الفيليه وسيبيها على نار هادئة علشان تغلي.
6. غطي الطاسة وسيبيها لمدة 40 دقيقة أو لغاية ما الفيلية يستوي.
7. ارفعي الفيليه من الصلصة وسيبيها تغلي لغاية لما تتقل، وبعد كده ارفعيها من على النار.
8. هاتي الفيليه وقطعيه وصبّي فوقه الصلصة وقدميها ساخنة..

وبالصحة والهنا…

لمزيد من الوصفات زوري حسابنا علي يوتيوب وصفات اكل عربيه