وصفات أكل عربيه اكلات سريعة وشهيه لكي ولأسرتك
صينية فراخ بالخضراوات المشكلة
هنعمل النهاردة أحلى فراخ فى الصينية مع الخضراوات … يا سلام عليها طريقة جميلة جدا ولذيييذة جدااا طعم مختلف ورااائع وكمان غنية بالفيتامينات
المقادير:
فرخة متوسطة (كيلو ونصف تقريبا)
كوب خضروات مشكّلة (جزر/ بسلة/ كرفس/ بصل/…) حسب المتوفر.
3 ملعقة كبيرة زيت زيتون
كوب فلفل ألوان مقطع
½ ملعقة صغيرة قرفة
1 ثمرة بصل متوسطة
ملعقة صغيرة بهارات
3 فص ثوم مفروم
ملعقة كبيرة زيت
½ كوب مشروم
4 حبات حبهان
ملح وفلفل
طريقة التحضير:
1- اغسلي الفرخة كويس أوي واسلقيها لمدة تلت ساعة، وضيفي لمية السلق البصلة والحبهان والبهارات والقرفة.
2- سخني زيت الزيتون في طاسة، وحطي التوم وشوّحيه لحد ما لونه يصفر، بعدها ضيفي عليه الخضار المشكل، والفلفل الألوان والمشروم والملح والفلفل، وشوحيهم لمدة 7 دقايق.
3- لما تبرد الفرخة والخضار شوية، احشي الفرخة بالخضار، وحطيها في صينية صغيرة وادهني وشها بملعقة زيت، وممكن تغطيها بورق فويل، ودخليها الفرن، على درجة حرارة 190 لمدة نص ساعة، وقدميها بعد كده مع أرز أبيض وبالهنا والشفا.
