قالب البطاطس البيوريه المحشية باللحم والجبن

قالب البطاطس البيوريه المحشية باللحم والجبن

تعالى شوفى معايا الوصفة دى,سهلة جدا واقتصادية وممكن تعمليها فى أى وقت,,, طعمها خطييييييير اوعى تسيبيها

المقادير:

كيلو لحم مفروم

كيلو بطاطس
كوب ونصف لبن
بصلة كبيرة مفرومة
ملح وبهارات
1/ 2 كوب جبنة رومي مبشورة
2 ملعقة زبدة
زيت للقلي
كوب بقسماط

طريقة التحضير:
1- قشّري البطاطس، وبعد كده اسلقيها، واهرسيها كويس، وضيفي ليها اللبن والملح.

2- هاتي طاسة وحطّي فيها الزيت، وشوّحي فيها البصل مع اللحمة المفرومة على النار، لغاية ما اللحمة تستوي، وبعد كده تبّليها بالملح والفلفل والبهارات.

3- ادهني الصينية اللي هتعملي فيها بشوية زبدة، ورشّي عليها كمية من البقسماط.

4- افردي نصف كمية البطاطس في الصينية، وافردي فوقيها اللحمة والجبنة المبشورة، وفي الآخر ضيفي باقي البطاطس.

5- رشّي البقسماط فوق الوش، وحطّي ملعقة زبدة، ودخّليها الفرن لحد ما الوش يحمرّ، وبعد كده طلّعيها، وقدّميها..

وبالصحة والهنا,,,