الدجاج الحار المشوي على الفحم

اهلا بيكم في موقعنا وصفات اكل عربيه  الدجاج الحار المشوي على الفحم

تعالى معايا بسرعة على المطبخ نقدم أحلى طريقة للدجاج،

طعمها رااائع ومختلف قدميها على الغداء أو فى العشاء …

روعة فى الجمال مستنية ايه يلا نشوف وصفتنا.

المقادير:

دجاجة كاملة
2 فلفل أحمر حامي مجفف
ملعقة صغيرة فلفل أسود
ملعقة كبيرة ريحان مجفف
ملعقة كبيرة زعتر مجفف
2 ملعقة كبيرة سكر
ملعقة كبيرة كمون
ملعقة كبيرة ملح
ملعقة كبيرة قرفة
علبة مياه غازية (كانز)
عصير ليمون

طريقة التحضير:
1- اطحني كل المكونات الجافة (السكر – الملح والفلفل – فلفل أحمر – كمون – زعتر – ريحان – قرفة) في مطحنة أو خلاط علشان يختلطوا كويس أوي.

2- نظفي الدجاجة كويس أوي، وخدي نصف كمية التتبيلة اللي عندك وتبلي بها الدجاجة كويس، وحاولي تركزي التتبيلة تحت الجلد علشان الدجاجة تبقى متتبلة كويس، وحطي عليها عصير ليمون من الخارج.

3- حطي الدجاجة في كيس بلاستيك، ودخليها التلاجة وسيبيها لمدة 4 ساعات، ويفضل إنك تتركيها طوال الليل.

4- سخني الفحم في الشواية أو سخني الجريل -على حسب اللي هتستخدميه- وسيبيها لحد ما توصل للدرجة حرارة عالية، وممكن تستخدمي شواية البوتجاز.

5- افتحي الكانز، وخلّي فيها نصف الكمية، وحطي فيها نصف كمية التتبيلة اللي كنت مجهزاها وقلبيهم مع بعض، وبعدين دخلي العلبة جوه الدجاجة وخليها واقفة.

6- حطيها على الشواية وهي واقفة وغطيها، واتركيها لمدة ساعة أو لحد ما تحسي إنها استوت، واتركيها تبرد وبعدين قدّميها
وبالصحة والهنا,,,

لمزيد من الوصفات زوري حسابنا علي يوتيوب وصفات اكل عربيه