الكفتة المشوية بلحم الدجاج

جميلتى,,, التنوع فى الأكل مطلوب وجميل طبعا انك تغيرى كل شوية فى أطباقك,

المهم ان الطبق الجديد لازم يكون شهى ولذيذ علشان تجذبى كل العيلة لأكلاتك …

طبقنا فعلا روعة فى الجمال ومش مكلف وكل مكوناته متواجدة وفى متناول الايد،

يعنى هتغيرى فى أكلتك وهاتحفظى على ميزانيتك

المقادير:
1/ 2 كيلو لحم أوراك دجاج مفرومة
2 حبة بصل مفروم
1 كوب بقدونس مفروم
2 ملعقة كبيرة بقسماط
ملح وفلفل
1 ملعقة صغيرة بهارات دجاج
عيدان شيش للشوي

طريقة التحضير:
1- افرمي البصل واعصريه من المية كويس، وخلي المية على جانب، وبعدين اخلطي البصل ده مع الدجاج والبقدونس والبقسماط، وتبّليها بالملح والفلفل والبهارات.

2- اعجني الكفتة شوية لحد ما كل المكونات تتداخل كويس، وحطيها في التلاجة وسيبيها لمدة نصف ساعة علشان ماتفكش منك وانت بتشويها.

3- بعد كده ابدئي صبّعيها على الأسياخ، وبلي إيديك بمية البصل وانتي بتصبعيها علشان تدي لها نكهة وكمان تدي لها لون حلو، وحاولي تخلي الكفتة رفيعة علشان تتشوي كويس.

4- بعدين اشويها على الجريل أو في طاسة تكون مابتلزقش، وحاولي أول لما تحطيها على الشواية تقلبيها من كل الأجناب علشان تمسك كويس، وسيبيها لحد ما تستوي كويس، وقدميها مع سلطة الطحينة..
وبالصحة والهنا,,,