أوراك الدجاج بصوص الطماطم

قدمى هذا الطبق النهاردة على الغداء,,,

فيعتبر طبق رئيسى وفى نفس الوقت خفيف

وسهل الهضم,,, طبق النهاردة هيحبه أطفالك جدااا

فاذا كنتى بتبحثى عن وجبة تجذب أبنائك وتساعدهم

على تناول وجبتهم, فتأكدى انهم هياكلوا طبقهم النهاردة

المقادير:

4 أوراك دجاج
حبة بصل
3 حبات طماطم
ملعقة زبدة وزيت
1/2 حزمة كزبرة
3 حبات فلفل ملون
كوب حمص مسلوق
ملعقة صلصة طماطم
ملح وفلفل

طريقة التحضير:
1- اغسلي الدجاج وسوّيها نصف تسوية، يا إما تسلقيها يا إما تدخّليها الفرن.

2- في الوقت ده حضّري الصوص، قطّعي البصل والفلفل شرايح رفيعة، وشوّحيهم مع الثوم في الزيت والزبدة.

3- بعدين حطي عليهم عصير الطماطم والصلصة والحمص وسيبيهم شوية لحد ما يتسبكوا.

4- حطي الكزبرة المفرومة على الصوص وتبّليه بالملح والفلفل.

5- رصي الدجاج في صينية، وحطي عليها الصوص، ودخليها الفرن على درجة حرارة 120 لمدة 15 دقيقة.

6- قدمي الدجاج مع الصوص والأرز الأبيض أو الخبز.
وبالصحة والهنا….