وصفات أكل عربيه اكلات سريعة وشهيه لكي ولأسرتك
جمبرى بالبابريكا والصلصة الحارة
هنعمل النهاردة طبق لذيذ جدااا لكل عشاق الأكلات الحارة هنقدم جمبرى بالبابريكا والصلصة الحارة بطريقة شهية ولذيذة جدااا كل اللى عليكى تحضرى المقادير وجربى أجمل وأشهى طبق جمبرى
المقادير:
½ كيلو جمبري متوسط الحجم
1 بصلة كبيرة مفرومة
2 فص ثوم مفروم ناعم
3 معلقة كبيرة صوص صويا غامقة
4معلقة كبيرة كاتشاب
2 معلقة كبيرة صلصة حارة
1 حبة فلفل احمر حار مفروم
1 معلقة كبيرة عصير ليمون
3 معلقة زيت نباتى
رشة جوزة الطيب
1 معلقة صغيرة فلفل اسود
½ معلقة صغيرة جنزبيل
1 معلقة صغيرة فلفل حار بودرة
1معلقة صغيرة بابريكا
بصل اخضر مفروم
طريقةالتحضير:
1- تنظف حبات الجمبرى وتقشر مع ترك الذيل متصل بحبات الجمبرى .
2- فى وعاء طهى واسع نسخن الزيت ونضيف البصل ويشوح ل5 دقائق على نار هادئة حتى يصبح شفاف اللون ثم نضيف البابريكا والفلفل الحار ويشوح مرة اخرى لدقيقتين ثم نضيف الصويا صوص والكاتشاب والصلصة الحارة وباقى التوابل ونتركها لتغلى ثم نضيف حبات الجمبرى واستمرى فى تقليبها مع الصوص حتى يصبح لون حبات الجمبرى لون برتقالى زاهى .
3- اضيفى عصير الليمون واغرفى الجمبرى بالصوص المتبقى فى طبق التقديم ويزين بالبصل الاخضر.
*رائع للتقديم مع الارز الابيض او الباستا المسلوقة وسلطة المايونيز
وبالصحة والهنا..
