وصفات أكل عربيه اكلات سريعة وشهيه لكي ولأسرتك
اهلا بيكم في موقعنا وصفات اكل عربيه البطاطس الشهية بعصاج اللحمة المفرومة
طبق النهاردة تحفة … لذيذ جداااااااا وكتييير شهى
جربيه النهاردة مقاديره فى متناول ايدك وطعمه خطير اوعى يفوتك
مستنية ايه يلا بينا ع المطبخ
المقادير:
كيلو بطاطس صغيرة ومدوّرة
¼ كيلو لحمة مفرومة معصّجة
3 ثمرة طماطم متوسّطة
2 ملعقة كبيرة زبدة
ملعقة كبيرة صلصة طماطم
كوب شوربة أو مرقة دجاج
بصلة متوسطة مفرومة
بهارات وملح وفلفل
طريقة التحضير:
– شوّحي البصلة لحد ما لونها يصفر، وبعد كده ضيفي عليها اللحمة المفرومة، وحطّي عليها البهارات والملح والفلفل وملعقة صلصة وزوّدي شوية ميه.
– قشّري البطاطس وقوّريها وشوّحيها في الزبدة على نار هادية جدا عشان تلمع بس.
– رصّي في الصينية قلب البطاطس، وبعد كده احشي البطاطس باللحمة المفرومة، وحطّيها في نفس الصينية.
– اضربي الطماطم في الخلاط، وحطّي عليها الملح والفلفل والشوربة، وقلّبيهم على النار لمدة 10 دقائق، وصبّيها فوق البطاطس المحشية.
– دخّلي الصينية الفرن لحد ما البطاطس تستوي، وممكن تزيّنيها بالبقدونس…
وبالصحة والهنا…
لمزيد من الوصفات زوري حسابنا على يوتيوب وصفات اكل عربيه
