الجمبرى المتبل مع الخضار بالكارى

اهلا بيكم في موقعنا وصفات اكل عربيه  الجمبرى المتبل مع الخضار بالكارى

هنعمل مع بعض الجمبرى بطريقة جديدة ومختلفة زى اللى بنتناولها فى المطاعم… طبق لذيذ جدااا جربيه وجددى من سفرتك وخليكى دايما مميزة

المقادير:
½ كيلو جمبري متوسّط الحجم ومغسول ومصفّى
3 ثمرات طماطم مقطّعة قطع صغيرة الحجم
بصلة كبيرة مقطعة قطع صغيرة الحجم
½ كيلو بازيلاء مسلوقة ومصفّاة
2 ملعقة كبيرة عصير ليمون
ثمرة فلفل أخضر مفروم
2 ملعقة كبيرة زيت ذرة
5 فصوص ثوم مفرومين
2 ملعقة كبيرة كاري
ملعقة كبيرة كمون
ملح وفلفل

طريقة التحضير:

1- لتجهيز تتبيلة الجمبري، اخلطي نصف كمية الثوم مع الفلفل الأخضر والكمون والملح وعصير الليمون، وتبّلي الجمبري في الخلطة دي لمدة ربع ساعة.

2- شوّحي البصل في الزيت على النار لمدة 5 دقائق، وبعد كده ضيفي عليه الكاري والثوم، وقلّبيهم كلهم مع بعض لمدة 5 دقائق.

3- بعد كده ضيفي عليهم البازيلاء والطماطم والملح والفلفل، وسيبيهم على النار لمدة 5 دقائق علشان الطماطم تتسبّك، وبعد كده ضيفي الجمبري وقلبيهم كلهم مع بعض كويس.

4- سيبي الجمبري على النار لمدة 10 دقائق علشان يستوي، وبعد كده حطّيه في طبق التقديم وزيّني الطبق بأوراق الكزبرة الخضراء
وبالصحة والهنا,,,

لمزيد من الوصفات زوري حسابنا علي يوتيوب وصفات اكل عربيه