طاجن الأرز المعمر بالحمام اللذيذ

اهلا بيكم في موقعنا وصفات اكل عربيه طاجن الأرز المعمر بالحمام اللذيذ

أكلتنا شتوية جدااا وطعمها روعة ولا أشهى منه… هنعمل الأرز المعمر ومعاه الحمام اللى كلنا بنحبه قدميه فى عزوماتك مع لمة العيلة الحلووووة واستمتعى بألذ وأجمل طعم

المقادير:
4 حمام
2 كوب لبن
3 كوب أرز
2 كوب شوربة
3 ملعقة كبيرة قشدة
2 ملعقة كبيرة سمن
1 ثمرة بصل مفرومة
ملعقة صغيرة بهارات
ملح وفلفل

طريقة التحضير:
1- اغسلي الحمام، واقسمي كل حمامة نصين، وبعدها حطيه في طاسة كبيرة وحمريه في السمن لحد لونها ما يبقى دهبي.

2-لما تطلعي الحمام، حطي مكانه البصل وشوحيه في السمن بحد ما يدبل ولونه يغمق، وبعد كده حطي الحمام تاني وقلبيهم سوا، وضيفي عليهم البهارات وملح وفلفل.

3- اغلسي الرز وانقعيه في المية لمدة ربع ساعة، وبعد كده صفيه كويس، وحطي عليه بهارات وملح وفلفل، وبعدها حطي عليه القشدة وقلبيها بملعقة كبيرة.

4- حطي طبقة من الأرز في الطاجن، وبعدها طبقة حمام، وغطيهم بطبقة تانية من الأرز،واسقيهم بالشوربة واللبن لحد ما تغطيهم خالص، إذا كان الطاجن اللي عندك صغير ممكن تحتاجي تعملي الكمية دي على طاجنين، وفي الحالة دي هتقسمي كمية الأرز وكمية الحمام بالنص على الأتنين، وبعد ما ترصي طاجن واحد او الأتنين دخليهم الفرن على درجة حرارة 190 لمدة نص ساعة، ولما يستوي ووشه يحمر قدميه ومعاه سلطة خضراء..
وبالصحة والهنا…

لمزيد من الوصفات زوري حسابنا علي يوتيوب وصفات اكل عربيه