عجينة الملفاى أو الفيتاج

اهلا بيكم في موقعنا وصفات اكل عربيه  عجينة الملفاى أو الفيتاج

تعالى نعمل مع بعض عجينة الملفاى اللى كلنا بنحب نقدم بيها مختلف الطرق من الحلويات وكمان أصناف مالحة بحشوات مختلفة,,,

كونى دائما جاهزة واعمليها واحفظيها عندك فى الثلاجة ووقت ما تحبى تقدمى أنواع من المعجنات اللذيذة تكون جاهزة ومتاخدش منك وقت فى تحضير أصنافك الجميلة…

المقادير:
1/2 كيلو دقيق
1/2 كيلو زبدة
كوب ونصف مياه
2 ملعقة عصير ليمون
1/2ملعقة صغيرة ملح

طريقة التحضير:
– أول حاجة جهّزي قالب الزبدة؛ افرديها في كيس بلاستيك بسُمك 1/ 4 سم، وحطّيها في التلاجة علشان تتجمد.

*العجينة:
– قومى بوضع الدقيق والملح وعصير الليمون في العجانة وشغّلي العجانة، وضيفي عليها المياه تدريجيًّا علشان تقدري تتحكمي في العجينة.

– اتركى العجينة تتعجن لمدة 3 دقائق على السرعة الأولى، ولو حسيتي إن العجينة محتاجة مياه كمان ممكن تزوّديها؛ لأن ده بيكون على حسب نوع الدقيق.

– بعد ما العجينة تتعجن خديها وادخليها في كيس بلاستيك، واتركيها لمدة نصف ساعة علشان تبقى جاهزة للتشكيل.

– بعد النصف ساعة رشّي دقيق على سطح أملس وافردي عليها العجينة، وبعدين نظفيها من الدقيق كويس، وضعى قالب الزبدة جواها، وطبّقيها من الأربع الأجناب بشكل الظرف.

– بعد ما تطبّقيها رشي عليها دقيق من فوق وتحت، وافرديها بهدوء بسُمك نصف سم؛ لحد ما تحسي إن الزبدة اندمجت في العجينة تمامًا، ونظفيها من الدقيق كويس، وبعدين طبّقيها مرة كمان زي الظرف، وضعيها في كيس بلاستيك، ودخّليها التلاجة لمدة ساعة.

– هتكرري الخطوة السابقة لمدة 4 مرات؛ ولكن دون إضافة الزبدة؛ يعني هتفرديها بارتفاع 1/ 2 سم، وبعدين تطبّقيها وتحطيها في كيس بلاستيك وتدخّليها التلاجة؛ والخطوة دي هي اللي بتخليها تكون مورقة وهشّة.

*بعد ما العجينة تكون جاهزة ابدئي شكّليها؛ ودي ممكن تعملي منها أصناف كتيرة زي الساليزون.
وبالصحة والهنا,,,

لمزيد من الوصفات زوري حسابنا علي يوتيوب وصفات اكل عربيه