أحلى كيك بجيلى المانجو الفريش

اهلا بيكم في موقعنا وصفات اكل عربيه  أحلى كيك بجيلى المانجو الفريش

خليكى دايما متجددى وقدمى أصناف جديدة من فترة لأخرى

حتى تسعدى بيها أسرتك,,,

تعالى معايا نعمل كيكة جميلة أوى ,

قدميها لأولادك مع مشروبهم المفضل,,,

طعمها جمييل جدااا ,,,

المقادير:
كوب زبدة
2 كوب سكر
كيس جيلي بالمانجو
4 بيضات
1/2 كوب مانجو مهروس أو مضروب في الخلاط بدون ماء
3 إلا ربع كوب دقيق
2 ونصف ملعقة صغيرة بيكينج بودر
ملعقة صغيرة فانيليا
كوب لبن

*للحشو:
جيلي مانجو بارد (في قالب بنفس مقاس قالب الكيك)

طريقة التحضير:

– اخلطي الزبدة مع السكر بالمضرب لغاية ما يبقى الخليط عامل زي الكريمة، وبعد كده ضيفي حبيبات الجيلي مع الاستمرار في الخلط، لغاية ما كل المكونات تتجانس مع بعضها.

– بعد كده ضيفي بيوريه المانجو والبيض مع الاستمرار في الخلط.

– اخلطي الدقيق مع البيكينج بودر والفانيليا، وبعد كده ضيفيهم للخليط السابق مع الاستمرار في الخلط، وبعد كده ضيفي اللبن واضربي كل المكونات مع بعضها لغاية ما تحسي إن كلها تجانست.

– هاتي الصينية اللي هتعملي فيها الكيك وادهنيها بالقليل من الزبدة وشوية دقيق، وبعد كده تخلصي من الدقيق الزيادة، وبعدين صبي فيها خليط الكيك اللي جهزتيه، وساوي السطح.

– دخلي الصينية في فرن ساخن على درجة حرارة 180، وسيبيها تستوي لمدة نصف ساعة أو لغاية ما تحسي إنها استوت.

– طلعي الكيكة من الفرن وسيبيها لغاية ما تبرد خالص تماماً، وبعد كده اقسميها بالعرض إلى 3 طبقات متساوية في الارتفاع.

– حطي أول طبقة من الكيكة في طبق التقديم، وافردي عليها طبقة من جيلي المانجو، وبعد كده حطي طبقة تانية من الكيكة وكرري نفس الحركة مع باقي الطبقات، وبعد كده ممكن تزيني سطح الكيكة بالكريم شانتيه وقطع المانجو وقدميها..
وبالصحة والهنا,,,

إقتراح التقديم:

قدميه مع العصير الفريش بالعسل النحل

لمزيد من الوصفات زوري حسابنا علي يوتيوب وصفات اكل عربيه