كباب اللحم والذرة المشوى

كباب اللحم والذرة المشوى
كباب اللحم والذرة المشوى

اهلا بيكم في موقعنا وصفات اكل عربيه كباب اللحم والذرة المشوى

هنقدم طبق مختلف وجديد ، ولو كنتى بتحبى التغيير فى أكلاتك يبقى أكيد هتعجبك وصفة النهاردة
تعالى نشوف مع بعض الطريقة ومقاديرها

 

المقادير:
كيلو لحمة مقطّعة مكعبات متوسطة الحجم
3 حبات ذرة حلوة مقطّعة قطع متوسطة الحجم (هتلاقيها في السوبر ماركت)
ثمرة فلفل أصفر مقطعة مكعبات متوسطة الحجم
ثمرة فلفل أحمر مقطّعة مكعبات متوسطة الحجم
ملعقة كبيرة فلفل أحمر حار مطحون
2 ملعقة كبيرة عصير برتقال
2 ملعقة كبيرة صويا صوص
2 ملعقة كبيرة زيت زيتون
ملح وفلفل أسود

 

طريقة التحضير:
1-لتجهيز تتبيلة الكباب:

هاتي طبق صغير واخلطي فيه الصويا صوص مع زيت الزيتون وعصير البرتقال والفلفل الأحمر الحار والملح والفلفل الأسود، وقلّبيهم كلهم مع بعض كويس.

2- ضيفي التتبيلة على اللحمة وقلّبيهم كويس مع بعض، وبعد كده دخّلي اللحمة الثلاجة لمدة يوم كامل؛ علشان تتشرّب من التتبيلة كويس وماتاخدش وقت معاكي في الشواء.

3- هاتي أسياخ خشبية، وابدئي في رصّ اللحمة فيها؛ كالتالي: قطعة لحمة تليها قطعة ذرة حلوة تليها قطعة فلفل أصفر تليها قطعة فلفل أحمر.

4- حطّي الأسياخ على الشواية الكهربائية أو دخّليها في فرن البوتاجاز على درجة حرارة متوسطة لمدة ساعة أو لغاية ما تلاقي اللحمة استوت، وبعد كده خرّجيها ورصّيها في أطباق التقديم..

وبالصحة والهنا…

لمزيد من الوصفات زوري حسابنا علي يوتيوب وصفات اكل عربيه

قيّم هذه الوصفة

عن همس

همس محررة موقع وصفات اكل عربية ، متخصصة في الكتابة عن جديد الوصفات الشرقية والغربية ، يمكنك زيارة صفحتها على الفيس بوك تحت اسم "همس فاشون"

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *