اهلا بيكم في موقعنا وصفات اكل عربيه طريقة عمل محشي الكوسه باللحم المفروم
مستمرين مع الطرق المختلفه لعمل الوجبة المصرية الشهيرة : المحاشي بكل انواعها وطعمها الشهي.
النهاردة معادنا مع الطبق الرهيب محشي الكوسه بحشو اللحم المفروم ، طبق مش ممكن السفرة تستغنى عنه في الصيف او الشتاء.
الطريقة بسيطة جدا وحصريا معانا بس في وصفات أكل عربية ، شوفيها معانا :
درجة السهولة : متوسط
الوقت المطلوب : 45 دقيقة
![طريقة عمل محشي الكوسه باللحم المفروم](https://i0.wp.com/www.recipesarabia.com/wp-content/uploads/2017/11/طريقة-عمل-محشي-الكوسه-باللحم-المفروم.jpg?resize=618%2C344)
المقادير :
- كيلو كوسة
- ½1 كوب أرز
- 2 مكعب مرقة دجاج
- ½ كيلو لحمة مفرومة
- 2 ثمرة طماطم مقطعة
- ملعقة كبيرة ثوم مفروم
- حزمة بقدونس مفرومة
- 2 ملعقة كبيرة صلصة طماطم
- ملح وفلفل أبيض
- بصلة متوسطة
- 3 كوب مية
طريقة التحضير
1- اغسلي الكوسة وقوّريها بس من غير تقشير، علشان تفضل محتفظة بقيمتها الغذائية، وبعد كده تبّليها من جوة بشوية ملح صغيرين.
2- اغسلي الأرز وانقعيه في مية لمدة 15 دقيقة، وبعد كده صفّيه واخلطيه مع الطماطم المقطّعة واللحمة والبقدونس والبصل والثوم، وتبّلي الخلطة بالملح والفلفل والقرفة ومكعب مرقة دجاج.
3- احشي الكوسة بالخلطة دي ورصّيها في الحلة، وحطّيها على النار وضيفي عليها المية ومكعب مرق دجاج والصلصة والملح والفلفل، وسيبيها تستوي على نار هادية..
لمزيد من الوضفات زوري قناتنا علي تليجرام وصفات اكل عربيه