شوربة السجق الشهية “من المطبخ الإيطالى”

اهلا بيكم في موقعنا وصفات اكل عربيه  شوربة السجق الشهية “من المطبخ الإيطالى”

ايه رأيكوا فى طبق شوربة مختلف ومميز فى الجو البارد ده …تعالى ندخل المطبخ الايطالى ونحضر أشهى شوربة بالسجق ,طريقة حلوة وسهلة وطعمها ولا أحلى منه,خليكى ولا أجمد شيف وقدمى الجديد والمميز

المقادير:
¼ كيلو سجق مقطع قطع صغيرة
½ ملعقة صغيرة ريحان مجفف مطحون
2 ملعقة كبيرة معجون الطماطم
5 كوب شوربة لحمة أو ميه
بصلة مقطّعة قطع صغيرة
2 كوب بروكلي مقطّع
ملح وفلفل أسود
ملعقة كبيرة زبدة
فص ثوم مفروم
¼ كيلو مكرونة
4 كوب ميه

طريقة التحضير:
1- شوّحي السجق مع البصل والثوم والزبدة في حلّة على نار متوسطة؛ لغاية ما تحسّي إن السجق بدأ يدخل في السوى.

2- بعد كده ضيفي عليه الشوربة، وسيبيهم مع بعض على النار لغاية ما الشوربة تبدأ تغلي.

3- بعد كده ضيفي عليهم المكرونة، وبعد كده ضيفي البروكلي ومعجون الطماطم والملح والفلفل والريحان، وسيبي الشوربة على النار لمدة 15 دقيقة؛ لغاية ما كل المكونات تستوي مع الاستمرار في التقليب، وبعد كده اغرفي الشوربة في أطباق التقديم.
وبالصحة والهنا…

لمزيد من الوصفات زوري حسابنا على يوتيوب وصفات اكل عربيه