طريقة عمل عجينة السكر لأحلى الحلويات
دلوقتي تقدري تعملي عجينة السكر في البيت ، هنعمل مع بعض عجينة السكر بطريقتين ، جربيهم وقدمي لأولادك أحلى الحلويات بعجينة السكر ، وكمان تقدري تعملي الأشكال اللي بيحبوها ، يلا تعالي معايا ولا أحلى من كده .
الطريقة الأولى :
عجينة السكر “بالمارشميلو”
المقادير:
100 جرام مارشميلو حجم صغير
1/4 كوب زيت
1/4 كوب ماء
فانيليا
ذرة ملح
1/2 كيلو سكر مطحون و منخول او اكثر حسب الحاجة
ألوان مخصصة للحلويات
طريقة التحضير :
قومي بإحضار وعاء وضيفي إليه الماء الدافئ ثم ضعي المارشميلو ، ويقلب جيداً حتى ذوبان المارشميلو .
ويضاف الفانيليا مع ذرة الملح والزيت . لو عاوزة تضيفي ألوان لعمل العجينة بالألوان اللي بتحبيها قومي بإضافتها الآن ،مع التقليب الجيد .
قومي بإضافة السكر المطحون بالتدريج مع الاستمرار في التقليب حتى تحصلي على القوام المناسب .
تقدري دلوقتي عمل أشكال مجسمة أو تزيين التورتات على حسب رغبتك .
الطريقة الثانية :
عجينة السكر” بالجلاتين”
المقادير :
1 ملعقة صغيرة جلاتين بودر
1 ملعقة كبيرة ماء دافئ
1 ملعقة كبيرة عسل ابيض
فانيليا
ذرة ملح
1 ملعقة صغيرة زيت + زيادة للعجن
1½ كوب سكر مطحون ومنخول او اكثر حسب الحاجة
ألوان مخصصة للحلويات
طريقة التحضير:
قومي بعمل حمام مائي ضعي الماء وفوقه طبق آخر به الجلاتين مع التقليب الجيد .
قومي بإضافة العسل مع الإستمرار في التقليب ، ثم ضيفي ملعقة من الزيت والفانيليا ، مع إضافة الألوان “حسب الرغبة ”
ثم ضيفي السكر المطحون مع ذرة الملح ،قومي بالعجن جيداً حتى تحصلي على القوام المناسب .
وبكده تقدري تعملي كل الأشكال اللي أولادك بيحبوها وتقديمها في المناسبات والأعياد ، أبدعي وقدمي أشكال كتير على ذوقك .
وبالصحة والهنا …