بودينج الفراولة المثلجة بطعم يجنن

اهلا بيكم في موقعنا وصفات اكل عربيه  بودينج الفراولة المثلجة بطعم يجنن

تعالى قدمى نوع خفيف ومنعش من الحلوى الجميلة اللى كل أطفالك بيحبوها , هنعمل بودينج الفراولة بطعم يجنن وياخد العقل , قدميه لضيوفك واصحابك فهو منعش فى فصل الصيف وجميل جدااا .

المقادير:
16 قطعة توست منزوعة الأطراف
½ كيلو فراولة
2 كوب سكر

طريقة التحضير:
1- غلّفي طبق غويط بالتوست من كل الجوانب، وسيبي 4 قطع من التوست لتغطية الوش بعد ما تحطّي الفراولة.
2- حُطّي نصف كمية الفروالة على النار وضيفي عليها السكر لحد ما يدوب تماما والفراولة تنزّبل العصير اللي فيها.

3- بعد كده ضيفي باقي الفراولة علشان تتشرب من العصير.

3- صُبّي الخليط في الطبق اللي غلفتيه بالتوست مع مراعاة إنك تسقي التوست بالعصير اللي نزل من الفراولة وبعدين غطّي الطبق بباقي التوست، وحُطّي حاجة تقيلة فوق الطبق وسيبيه في الثلاجة طول الليل.

4- بعد كده طلّعيه من الثلاجة، واقلبيه في طبق التقديم وقطّعيه بالشكل اللي تحبيه.
وبالصحة والهنا…

اقتراح التقديم:
دوائر بسكويت القهوة والكريمة

لمزيد من الوصفات زوري حسابنا على يوتيوب وصفات اكل عربيه