كفتة السمك الشهية بالبقدونس والبارميزان

اهلا بيكم في موقعنا وصفات اكل عربيه كفتة السمك الشهية بالبقدونس والبارميزان

هنعمل السمك النهاردة بطريقة مختلفة غير اللى متعودين عليها , هنعمله كفتة ..

أيوة هنعمل أحلى كفتة لما تجربيها هتقولى ليه معملتهاش من زمان ,

يلا معايا بسرعة نعمل أكلتنا

المقادير:
½ كيلو سمك فيليه مسلوق ومفروم
2 ملعقة كبيرة جبنة بارميزان مبشورة
2 بيضة مخفوقة بالملح والفلفل الأسود
½ حزمة بقدونس مفرومة
3 فصوص ثوم مفرومين
ثمرة بطاطس مسلوقة
بصلة متوسطة مفرومة
½ كوب بقسماط
ملح وفلفل أسود
½ ملعقة كمون

طريقة التحضير:
1- اخلطي كل المقادير اللي عندك مع بعضها كويس.

2- شكلي الخليط السابق على شكل دوائر أو صوابع، وحمريها في الزيت لغاية لونها ما يبقي دهبي.

3- بعد كده ارفعيها على مناديل ورق علشان تتشرب أي زيت موجود فيها، وقدميها.

وبالصحة والهنا,,,

لمزيد من الوصفات زوري حسابنا علي يوتيوب وصفات اكل عربيه