مكعبات الدجاج بالكارى

مكعبات الدجاج بالكارى – ايه رأيك نعمل النهاردة على الغداء اكلة دجاج مختلفة وشهية … اكلتنا النهاردة من المطبخ الهندي
سهلة وبسيطة وغير مكلفة تعالى نشوف وصفتنا في وصفات أكل عربية

مكعبات الدجاج بالكارى

المقادير:
1/2 كيلو صدور الدجاج مقطّعة مكعبات متوسّطة الحجم
بصلة كبيرة مقطعة قطع صغيرة
2 كوب شوربة لحمة أو فراخ
3 ملعقة كبيرة دقيق
ملعقة كبيرة زبدة
1/2 فنجان كاري
ملح وفلفل

طريقة التحضير:
1- تبّلي الدجاج لمدة ساعة بالملح والفلفل وملعقة كبيرة من الكاري.

2- شوّحي البصلة مع الزبدة على النار، وضيفي معاها الدقيق وحمّريه لغاية لونه ما يبقى دهبي، وبعد كده ضيفي عليهم الشوربة بالتدريج مع التقليب المستمر علشان الخليط مايكلكعش منك، وسيبيهم يغلوا على نار هادية لمدة خمس دقائق، ولو لقيتي إن الخليط سميك ممكن تضيفي شوية شوربة كمان لغاية ما تحصلي على القوام اللي إنتي عايزاه.

3- ضيفي الدجاج وباقي مقادير الكاري على الخليط السابق، وسيبيهم على النار لمدة 10 دقائق أو لغاية ما تلاقي إن الدجاج استوت، وحطّيها في أطباق التقديم، وممكن تقدّمي مع الدجاج طبق أرز..
وبالصحة والهنا…