طريقة عمل كيكة الروانى

النهاردة هانقدم أحلى كيكة 🍰 وهي كيكة الروانى الشهية، يمكنك عملها بسهولة وتقديمها لكل افراد الاسرة في كل المناسبات.

حصريا في وصفات أكل عربية طريقة عمل كيكة الرواني.

المقادير

نص كوب سكر

كوب الا ربع زيت

٣ بيضات

معلقة صغيرة فانيليا

كوب زبادي

كوب دقيق بسبوسة

كوب دقيق عادى

كيس بيكنج بودر

رشة ملح

جوز الهند

معلقة خل (اختيارى) عشان تخلى الكيك هش وطري ويمنع ظفارة البيض

شربات ساقع عشان نسقى الكيكة بيه

فى طبق غويط نضع السكر والزيت ويتم ضربة بالمضرب حوالي ٣دقايق.

ثم نضع عليهم البيض والفانيليا ومعلقة الخل ونضربهم كتير لحد ما الخليط يكون لونه فاتح ويكتر معاكى.

وبعد كدة هانحط علبة الزبادى وكملى ضرب بالمضرب.

فى طبق غويط اخر نضع دقيق البسبوسة ودقيق العادى ومعاهم البيكنج بودر ورشة الملح ونقلبهم كويس ثم نضعهم على الخليط الآخر ونضربهم كلهم مع بعض كويس.

نجيب صينية من المستحب تكون تيفال عشان ماتلزقش.

نحط الخليط فى الصينية وعلى الفرن على طول.

لما تستوي بنطلعها وهي سخنة وبنكون مجهزين شربات ساقع وجوز الهند ونضعهم على الكيكة وهي سخنة.

ملحوظة: لو حابة تحطى فاكهة للتزيين حطى كومبوت وبالهنا والشفا عليكي واسرتك

قيّم هذه الوصفة