وصفات أكل عربيه اكلات سريعة وشهيه لكي ولأسرتك
حصريا وعلى موقع وصفات أكل عربية، مشروب الشتاء الدافئ طريقة عمل حمص الشام
احنا النهاردة هنقدم أحلى طريقة لاهم مشروبات الشتاء الجميلة المتحبشة.
طريقة عمل حمص الشام (الحلابسه).
درجة السهولة: سهل
مدة التحضير : 25 دقيقه
المكونات
ربع كيلو حمص
ملح وفلفل
شطة حمرا
بودرة كمون
كسبرة ناشفة
ربع كوب خل
عصير ليمون
معلقة صلصة
نص زجاجة هوت صوص
عدد كوب واحد عصير طماطم مضروب مع ٤ فصوص ثوم فى الخلاط لوصول لدرجة ناعمة جدا.
طريقة العمل
ينقع حمص الشام لمدة يوم
يسلق فى ماء وملح
بعد كدة نصفية من المية بتاعتة
وفى حلة على النار تكون سخنة كويس بنحط الكمون والكزبرة والشطة فى الحلة دية من غير زيت ولا اى مادة دهنية
بعد ذلك نضيف الخل على التوابل فى الحلة وبعدها يطفى عاليهم هيعمل ريحة هايلة
وبعدها نحط على الخليط معلقة الصلصة مع التقليب
بعد ذلك نحط الهوت صوص
وبعدها عصير الطماطم والثوم
وبعد ذلك نضيف كمية من المياة حسب كمية الحمص يعنى حوالى نص لتر مياة ونسيبهم ياخدوا غلوة
وبعد ما الخليط دة مايغلى هننزل عليهم بالحمص المسلوق والملح والفلفل ياخدة غلوة بسيطة مع الحمص
وبعد كدة يقدم فى كوبايات ومعاها عصير ليمون.
وبالهنا والشفا …
