باستا بالفلفل المشوى وجبن الفيتا اللذيذة

اهلا بيكم في موقعنا وصفات اكل عربيه باستا بالفلفل المشوى وجبن الفيتا اللذيذة

طبقنا النهاردة سهل وسريع وكمان خفيف,يمكنك عمله بسرعة ومش هياخد منك وقت طويل وفى نفس الوقت هيعجبك طعمه جدااا انتى وكل أسرتك

وتقدري تقدميه كطبق جانبي

المقادير:

1/2 كيلو مكرونة شرايط
بصلة صغيرة مفرومة
كوب جبنة فيتا مكعبات
1/2 كوب شوربة دجاج
2 ملعقة كبيرة زيت زيتون
2: 3 فصوص ثوم مفرومين
3 فلفل رومي أحمر مشوي
2 ملعقة كبيرة بقدونس مفروم
ملح وفلفل

طريقة التحضير:

– قومى بتسخبن الزيت في مقلاة وشوّحي فيه البصل والثوم لحد ما يدبلوا لمدة 10 دقائق، وبعدين قطّعي الفلفل مكعبات وضيفيه على البصل، وشوحيه مع الخليط لحد ما يسخن، وارفعيه من على النار.

– بعد ما الخليط يبرد قومى بضربه في الخلاط مع الشوربة والجبنة الفيتا كويس لحد ما الخليط يتجانس تماما.

– اسلقي المكرونة ثم صفّيها، وممكن تحتفظي بـ1/ 2 كوب من مية المكرونة لو احتاجتي تخففي الصوص شوية.

– قلبي المكرونة مع الصوص ولو حسيتي إن الصوص كثيف أوي ممكن تضيفي له الميه اللي عندك.

– تبّلي المكرونة بالملح والفلفل وحطيها في طبق التقديم وزينيها بالبقدونس ومكعبات جبنة فيتا،

وبالصحة والهنا,,,

باستا بالفلفل المشوى وجبن الفيتا اللذيذة
باستا بالفلفل المشوى وجبن الفيتا اللذيذة

إقتراح التقديم:

 

قدمى ألذ باستا مع أصابع الدجاج المقرمشة

لمزيد من الوصفات زوري حسابنا علي يوتيوب وصفات اكل عربيه 

قيّم هذه الوصفة

عن زهرة

محررة في موقع وصفات أكل عربية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *