قالب البطاطس بالجبن الرومى فى الفرن
هنعمل النهاردة أحلى أكلة بطاطس طعمها خطيييييييير
ممممممم حلو أوى ، سهلة وبسيطة وكمان اقتصادية وعلى قد مصروف البيت …
تعالى نعملها مع بعض حالا.
المقادير:
5 ثمرات بطاطس كبيرة
طبق صغير جبنة رومي مبشورة
3 قطع صغيرة زبدة
ملعقة كبيرة نشا
4 كوب لبن
3 بيضات
ملح وفلفل
طريقة التحضير:
1- اغسلي البطاطس كويس، وقشّريها، وقطّعيها حلقات، وتبّليها بالملح والفلفل الأسود.
2- حطّى اللبن على النار، وضيفي معاه النشا مع التقليب لغاية ما تحسّي إن اللبن قوامه بقى سميك ومتماسك شوية.
3- اضربي البيض كويس، وما تنسيش تحطّي شوية فلفل أسود، وبعد كده هاتي الصينية اللي هتعملي فيها، ورصّي فيها البطاطا، وبعد كده ضيفي عليها خليط اللبن والنشا والبيض المخفوق، وبعدين الجبنة المبشورة، وعلى الوش وزّعي قطع الزبدة، ودخّليها الفرن لحد ما تستوي.
وبالصحة والهنا…
please put the degree of heat should put the meal in the microwave …
thanks for such good recipes ^_^