أسياخ الدجاج المشوية على الفحم

يا جمال وصفتنا النهاردة, طعمها ولا فى الخيااااااال… هنعمل مع بعض ألذ وأشهى دجاج مشوى على الفحم بطريقة سهلة وبسيطة وغير مكلفة … تعالى جربيها معايا وجددى النهاردة من سفرتك

المقادير:
½ كيلو صدور دجاج مخلية ومقطّعة مكعبات
ملعقة كبيرة عصير ليمون
2 ملعقة كبيرة زبادي
ملعقة كبيرة زيت
¼ كوب خل
ملح وفلفل
شرائح ليمون للتزيين

طريقة التحضير:
1- حطّي مكعبات الدجاج في الخل لمدة نصف ساعة، وبعد كده اشطفيها بالميه.

2- هاتي طبق غويط، وحطّي فيه الزبادي والليمون والملح والفلفل وقلّبيهم كويس مع بعض، وحطّي الدجاج في التتبيلة دي لمدة 3 ساعات.

3- بعد كده حطّي مكعبات الدجاج في أسياخ واشويها على شواية فحم، أو ممكن تدخّليها الفرن في صينية وتشغلي عليها شواية الفرن.

4- عند التقديم.. حطّي أسياخ الدجاج في طبق التقديم، وزيّنيها بشرائح الليمون..

وبالصحة والهنا….