وصفات أكل عربيه اكلات سريعة وشهيه لكي ولأسرتك
هقولك على طريقة سهلة وجميلة تقدرى تعملى بيها الجبنة القريش فى المنزل وكمان لو اللبن اللى عندك أصبح رايب ماترميهوش وتعالى استفيدى منه واعملى جبنة قريش أحلي من اللى بتشتريها من الأسواق.
حصريا في وصفات أكل عربية
اسمعي الوصفة
الاول يكون الفرن شغال قبليها مثلا عمله صينيه بطاطس مثلا
ثانيا تكونى محضرة برام او طاجن اللى احنا بنعمل فيه الرز المعمر
ثالثا تجيبى كيلو لبن وتحطى فيه نص معلقه ملح ونص علبه قشطه عشان اللبن بقى مضروب كمان
رابعا الخطوه المهمة بعد ما دوبنا الملح والقشطة فى اللبن وحطناه فى البرام فى وقتها نكون طفينا الفرن بعد مساوينا فيه اللى ساويناه ونيجى حطين برام اللبن فى الفرن
ونسيبه لتانى يوم حنصبح الصبح نلقيى راب بيبقى رايب مش عارفه انتو بتقولوا عليه او على الاقرب بيبقى زبادى بس بخيره طبعا
وبعدين نصفيه فى شاشه او تعملوا زيى ويكون عندكم حصيرة مقطعه وتصفوا عليها وتطلع معاكم جبنه قريش
او
أولا: الحليب لازم يكون طبيعي ميه الميه مش عليه اي مواد حافظه. لكن مش لازم يكون طازه لاننا اصلا هانسيبه لما يروب
بس يكون أحسن كتير لو كان ما اتحطتش فى التلاجه خالص
بناخد الحليب ونحطه فى حله او طاجن كبير ونغطيه ونسيبه فى مكان دافي نسبيا لو فى البرد اوي ممكن نعمل زي ما عملنا فى الزبادي ندفي الفرن ونسيبه فيه لحد ما يربط ويعمل وش.
فى البرد ممكن لو دفيتى الفرن يقعد حوالي 48 ساعة
فى الحر الجامد ساعات يربط بعد 12 ساعة مثلا.
طريقة عمل الجبنة القريش في المنزل
اول لما يربط تشيلى القشطة من عليه وممكن تحطيه فى الثلاجة نص ساعة مكشوف عشان القشطة تجمد شويه تعرفي تشيلها بسهوله.
والقشطة الى طالعه دي بتبقى قشطه فلاحي زي الى بتتباع فى السوق وممكن تسبيها للأكل لو بتحبوها اوتحوشيها زي ما عملنا فى القشطه بتاعة الزبادي.
بعد كده لازم نسخن اللبن الرايب ده لحد ما يبقى تقريبا درجة حرارته 90 درجه مئويه او يعنى قبل ما يغلي على طول
ممكن بقي ب 3 طرق
اولا تحطيه فى فرن البوتاجاز
بس تكون شقتيه بالسكينه الى أربع اجزاء مثلا عشان الميه السخنه تتخلله وده فى جميع الحالات يكون أحسن
ثانيا تغليه ميه وتصبيها عليها
ثالثا أنك تحطيه على البوتجاز من فوق بس تحتية صاجه (شياطة الرز) ونار هاديه اوي وتخدي بالك منه عشان ما يغليش
لو غلي بتبقى الجبنه فيها حتت جامده كتير تخليها مش متجانسة.
بعد كده بتسبيه من غير نار لحد ما يبرد
وبعدين تصبيه فى مصفه جوها شاشه او اي قماشه تكون رقيقه اوي
وتسبيه بقى بتاع نص ساعه كده لما ينزل اغلب ميته
وبعدين تشيلى الميه الى تحته ما ترميهاش بتبقى من غير ملح وهى فكره مفيده اوي هانخليها على جنب هانعمل بها حاجات تانيه كتير بعدين
وبعدين تحطي الملح على حسب ما تحبيه
وتقفلي الشاشه ويا اما تحطي فوقيها حاجه تقيله شويه وهى في المصفاه او تعليفها فى اي حاجه لفوق
وتسبيها لحد ما تصفي ميتا وتجمد كويس
طبعا الفلاحين والمحلات عندهم حاجه اسمها حصيرة الجبن القريش وده الى بيخليها تطلع زي ما هى فى الصوره كده لكن انا ما عنديش بقي باعملها ومش مهم تطلع خرط يعنى
الجبنه الى هاتطلع ممكن تقعد فى التلاجه كويسه 3 ايام
لو هاتحطيها اكتر من كده فى التلاجه حاولي تحافظي على شكلها كوره او قالب مربع وحطيها فى ميه وملح او حتى شويه ميه من الى طلعوا من تصفية الجبنه تحطي فيها ملح خفيف وتحطيها في التلاجه
وبس كده تبقى أحلى جبنه قريش
وال 3 كيلوا حليب يعملوا حوالي كيلو جبنه قريش او اقل شويه حسب نوع الحليب
وجربي الاول فى كيلو وما تيأسيش والى تجرب تقولي والى تغلط تقولي عملت ايه بالظبط
أه وعلى فكره لو اشتريتى حليب وجيتى تغليه راب منك ممكن تلحقيه قبل ما يغلي او وتسبيه يكمل روب يوم كمان وتعمليه زي ما عملنا كده فى الى فات
او حتى لو عندك زبادي كتير باقي وطعمه غير وما حدش هايكله برضه ينفع تعمليه كده تسخنيه وتعمليه جبنه قريش
