كفتة اللحم المشوية “من مطبخ وصفات أكل عربية”

أكلتنا من الأطباق الرائعة اللى لازم كل ربة منزل تعرف طريقتها وتعملها لأنها سهلة جدااا وكمان شيك ممكن تقدميها فى عزومات العشاء”كفتة اللحم المشوية “من مطبخ وصفات أكل عربية” طبق هايل مع المشويات اللى تفضليها والسلطات
المقادير:

½ كيلو لحمة مفرومة
3 : 4 ملاعق لبن
كيس بقسماط
ملح وفلفل
2 بصلة مفرومة

طريقة التحضير:
1- حطي البصل على اللحمة في وعاء كبير واخلطيهم مع بعض كويس، وضيفي الملح والفلفل.

2- بعد كده هاتي البقسماط وحطيه في طبق وحطي عليه اللبن، وممكن تزوّدي أو تقللي كمية اللبن، المهم إنك تحصلي في الآخر على عجينة متماسكة.

3- حطّي الخليط ده على الكفتة، واخلطيهم مع بعض وسيبيهم نص ساعة.

4- صبّعي الكفتة، ورصّيها في صينية وغطّيها كويس، وحطّيها على نار هادية على البوتجاز من فوق.

5- لما تلاقي الكفتة لونها بدأ يتغيّر ونزّلت الميه بتاعتها، وبدأت تستوي اطفي عليها، ودخّلي الصينية الفرن، وولعي الشواية، وسيبيها لحد ما تتحمر..
وبالصحة والهنا.