عجينة الطعمية على الطريقة المصرية

كونى شاطرة واعملى الطعمية فى البيت هتضمنى نظافتها وكمان الزيت اللى بتستخدميه لأنه عامل أساسى جدااا لصحتك وصحة أسرتك … الطعم أحلى بكتييير وجربى وشوفى بنفسك

المقادير:

1/ 2 كيلو فول مدشوش
حزمة بقدونس
بصلة متوسطة
4 فصوص ثوم
حزمة كرات
حزمة كزبرة
ملح وفلفل
ملعقة صغيرة كمون
2 ملعقة كبيرة كزبرة مطحونة

للقـلي:
بيضة
شطة
سمسم
كزبرة ناشفة
1/ 4 ملعقة صغيرة كربوناتو

طريقة التحضير:
1- انقعي الفول في المية ليلة كاملة، وتاني يوم صفّيه واغسليه كويس.

2- قطعي كل المكونات التانية، وحطيهم مع الفول في الكبّة وافرميها.

3- تبّليها بالتوابل وممكن تضيفي أي توابل أنت عايزاها.

4- قسّمي عجينة الطعمية على أكياس؛ كل كيس يكفي لمرة، وحطيها في الفريزر.

5- عند الاستخدام حطي عليها البيض والكربوناتو والشطة، وخدي من العجينة شكّلي منها أقراص بالحجم اللي أنت عايزاه وحطي الكزبرة والسمسم، واقليها في الزيت.
وبالصحة والهنا…