رنجة بصوص المستردة والفلفل الألوان

يا سلام على الطعم الجميل للرنجة…

طعم جديد وكتير شهى … يلا قدمى فى شم النسيم

طبق جديد ومختلف وتميزى مع أشهى أطباقك حتى

لو كانت بسيطة لكنها كتييييييير لذيذة

المقادير:

4 رنجات
بصلة
¼ كوب خل
¼ كوب ميه
ملح وفلفل أسود
2 ملعقة مستردة
فلفل ملون مفروم صغير
½ حزمة شبت مفرومة

طريقة التحضير:
1- أول حاجة هتنقعي الرنجة في ميه مغلية لمدة 2 : 3 دقائق علشان تنزل الميكروبات.

2- نظّفي الرنجة وانزعي منها السلسلة والجلد والرأس والذيل، واقسميها نصفين.

3- قطّعي البصل حلقات رفيعة ورصّيها فوق الرنجة.

4- اخلطي الخل والميه والفلفل الملوّن المفروم والشبت المفروم والفلفل الأسود والمسترده واطبخيهم على النار لمدة 6 : 8 دقائق.

5- سيبي الخليط ده يبرد وصبّيه على الرنجة وغطّيها وحطيها في الثلاجة مدة كافية علشان الرنجة تتشرّب الصوص،
وبالصحة والهنا…