كفتة السمك بالبقدونس والجبنة

الكفتة من الأكلات الشهية اللى كلنا بنحبها …  هقدم لك النهاردة طريقة جديدة لعمل كفتة السمك … روعة وكتييييير شهية يا سلام عليها بجد جميلة اوى جربيها وجددى دايما فى سفرتك

المقادير:

½ كيلو سمك فيليه مسلوق ومفروم
2 ملعقة كبيرة جبنة بارميزان مبشورة
2 بيضة مخفوقة بالملح والفلفل الأسود
½ حزمة بقدونس مفرومة
3 فصوص ثوم مفرومين
ثمرة بطاطس مسلوقة
بصلة متوسطة مفرومة
½ كوب بقسماط
ملح وفلفل أسود
½ ملعقة كمون

طريقة التحضير:
1- اخلطي كل المقادير اللي عندك مع بعضها كويس.

2- شكّلي الخليط السابق على شكل دوائر أو صوابع، وحمّريها في الزيت لغاية لونها ما يبقي دهبي.

3- بعد كده ارفعيها على مناديل ورق علشان تتشرّب أي زيت موجود فيها، وقدّميها..

وبالصحة والهنا,,,

إقتراح التقديم:

قدمى وصفة النهاردة مع شرائح الفيتوتشينى مع السمك