وصفات أكل عربيه اكلات سريعة وشهيه لكي ولأسرتك
ستيك اللحم مع شرائح الزبدة والخضار المشكل
إليكِ طريقة رائعة لعمل ستيك اللحم يمكنك تقديمها في العيد ، طريقة لذيذة وشهية وكمان مختلفة ومميزة ، يلا تعالى معايا شوفي طريقتنا وإستعدي لتقدمي في العيد أشهى الأكلات .
المقادير:
كيلو لحم ستيك
2 ملعقة كبيرة زبدة مقطّعة مكعبات صغيرة
ملح وفلفل
1/ 2 كيلو خضار مشكل (جزر، وكوسة، وفاصوليا خضراء)
زبدة الليمون:
1/ 8 كيلو زبدة مكعبات
ملعقة كبيرة بقدونس مفروم
ملعقة كبيرة زعتر مفروم
ملعقة بشر ليمون
1/ 4 كوب عصير ليمون
طريقة التحضير:
– تبّلى اللحمة بالملح والفلفل.
– شوّحي اللحمة في ملعقة زبدة، لغاية ما تحمرّ من الجانبين، وبعد كده دخّليها الفرن شوية لحد ما تستوي.
– اشوي الجزر والكوسة في نفس الطاسة اللي حمّرتي فيها اللحمة، وفي طاسة تانية حطّي قطعة زبدة، وشوّحي فيها الفاصوليا.
زبدة الليمون؛
اضربي الزبدة في الخلاط أو الكبّة، وبعد كده ضيفي عليها بشر الليمون، وبعدين ضيفي الزعتر والبقدونس والملح والفلفل، واخلطيهم كلهم مع بعض كويس لغاية ما المكونات تتجانس.
بعد كده طلّعي خليط الزبدة على ورق فويل، ولفّيه وحطّيه في الفريزر؛ لحد ما يتجمد.
عند التقديم؛ حطّي اللحمة في طبق التقديم ومعاها الخضار، وطلّعي الزبدة من الفريزر، وقطعيها شرائح، وحطّيها على شرائح اللحمة..
وبالصحة والهنا,,,
إقتراح التقديم:
قدمى طبق النهاردة مع الخبز
