لفائف الكريب بفواكه البحر والمشروم

دلوقتى تقدرى تعملى الكريب بسهولة فى المنزل وتقدمى أشهى الأكلات يمكنك عمله بحشوات كتير ابتكرى فى مطبخك وكونى مميزة هنقدم مع بعض النهاردة طريقة عمل لفائف الكريب بفواكه البحر والمشروم ولا أجمل منها تعالوا كلنا نجربها ونقدم طبق مختلف وشهى

المقادير :

العجينة:
1 بيضة
1 كوب دقيق
1 ملعقة كبيرة سكر
1 ¼ كوب حليب
رشة فلفل اسود
رشة ملح

الحشوة:
½ كيلو فواكه بحر مشكلة
1 و ½ كوب مشروم شرائح
1بصلة مفرية
1 فص ثوم مفرى كبير
1 ملعقة صغيرة كمون – زعتر – اوريجناو
فلفل اسود- ملح
رشة جوزة الطيب
2 كوب كريمة طهى
2 ملعقة دقيق
2 ملعقة زبدة

طريقة التحضير:

1- تخلط كل مكونات الكريب معاً فى الخلاط مع مراعاة نخل الدقيق قبل الخلط حتى لايتكون تكتلات وتخلط حتي تكون مزيج متجانس وسائل ويحفظ في الثلاجة لمدة 30 دقيقة قبل الاستخدام علي الاقل ويمكن عمله قبلها بيوم.

2- لعمل الكريب يفضل استخدام مقلاة تيفال ثم نضيف 1 ملعقة صغيرة زبدة ثم تترك لتسخن المقلاة ثم نضيف مقدار كبشة واحدة في المقلاة وتفرد علي شكل دائرة وتترك لدقيقتين اوحتي تحمر ثم تقلب علي الوجه التاني لتحمر ثم ترفع وتوضع فوق ورق زبدة حتي لا تجف ثم نكمل باقي المقدار مع وضع ورقة زبدة بين كل واحدة والتانية.

3- لتجهيز الحشو قومى بتشويح البصل فى مقلاة مع قليل من الزيت حتى يضبح شفاف اللون صم أضيفى المشروم وفواكه البحر وشوحيهم ل10 دقائق قبل ان تضيفى التوابل والملح والفلفل والثوم وشوحى لدقيقة ثم اضيفى الكريمة المقلب بها ملعقتى الدقيق وأتركى المزيج على النار لدقيقتين قبل ان يرفع من على النار ويضبح جاهز للاستخدام .

4- تفرد كل واحدة من الكريب ثم تحشي بمقدار من حشوة فواكه البحر ثم وتلف علي الحشو وتقدم مباشرة.

وبالصحة والهنا…